- Къонакъ аз олтурур, кёб сынар.
- Уллу сёзде уят джокъ.
- Аджашхан тёгерек айланыр.
- Шапа кёб болса, аш татымсыз болур.
- Адам боллукъ, атламындан белгили болур.
- Бал чибинни ургъаны – ачы, балы – татлы.
- Аман адам элни бир-бирине джау этер.
- Ариу джол аджал келтирмез.
- Джерни букъусу кёкге къонмаз.
- Хатерли къул болур.
- Бойнуму джети джерден кессенг да, мен ол ишни этеллик тюлме.
- Эли джокъну – кёлю джокъ.
- Азыкъ аз болса, эртде орун сал.
- Арпа, будай – ащды, алтын, кюмюш а – ташды.
- Джеринден айырылгъан – джети джылар, джуртундан айырылгъан – ёлгюнчю джылар.
- Шекер бла туз – бир болмаз, ушамагъан – юй болмаз.
- Тенгинг джокъ эсе – изле, бар эсе – сакъла!
- Билимли ёлмез, билимсиз кёрмез.
- Джангыз терек къынгыр ёсер.
- Дженгил джетерикме деб, узун джолну къоюб, къысхасын барма.
- Булут кёкге джарашыу, уят бетге джарашыу.
- Уллу атлама – абынырса, уллу къабма – къарылырса.
- Къатын байлыкъны сюер, эр саулукъну сюер.
- Къуллукъчума, деб махтанма, къуллукъ – хаух джамчыды!
- Ачлыкъ отха секиртир.
- Тынгылагъан тынгы бузар.
- Акъыллы – эл иеси, тели – эл баласы.
- Джуртун къоругъан озар.
- Джангыз торгъай джырламаз.
- Эл бла кёргенинг эрелей.
- Бети – къучакълар, джюреги – бычакълар.
- Аш берме да, къаш бер.
- Сабий болмагъан джерде, мёлек болмаз.
- Ашда – бёрю, ишде – ёлю.
- Юреннген ауруу къалмаз.
- Джукъу тёшек сайламайды.
- Халкъны юйю – туугъан джери.
- Иги – алгъыш этер, аман – къаргъыш этер.
- Джашлыкъ этмеген, башлыкъ этмез.
- Аурууну келиую тынч, кетиую – къыйын.
- Джылкъыдан – ат чыгъар, тукъумдан – джаш чыгъар.
- Эки ойлашыб, бир сёлешген.
- Аман эсирсе, юйюн ояр.
- Гугук кесини атын айтыб къычыргъанча, мен, мен деб нек тураса?
- Зар адамны насыбы болмаз.
- Кюн кёрмеген, кюн кёрсе, кюндюз чыракъ джандырыр.
- Джарлыны эшигин махтагъан джабар.
- Кёл ашады да, кеси ашады.
- Таукел адам тау тешер.
- Телиге от эт десенг, юйюнге от салыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72