- Къая джолда джортма, ачыкъ сёзден къоркъма.
- Джылкъыдан – ат чыгъар, тукъумдан – джаш чыгъар.
- Тёзгеннге, джабылгъан эшик ачылыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Къазанчы аман болса, къазаны къайнамаз.
- Окъуусуз билим – джокъ, билимсиз кюнюнг – джокъ.
- Билмегенинги, билгеннге сор.
- Ач отунчуну ачыуу – бурнунда.
- Магъанасыз сёз – тауушсуз сыбызгъы.
- Мал кёб болса, джууукъ кёб болур.
- Адамны бетине къарама, адетине къара.
- Туз, гырджын аша, тюзлюк бла джаша.
- Ашда – бёрю, ишде – ёлю.
- Джангыз торгъай джырламаз.
- Сабий болмагъан джерде, мёлек болмаз.
- Ишлемеген – тишлемез.
- Азыкъ аз болса, эртде орун сал.
- Керилген да, ургъан кибикди.
- Юре билмеген ит, къонакъ келтирир.
- Баргъанынга кёре болур келгенинг.
- Бал ашаргъа сюе эсенг, чибин ургъаннга тёз.
- Къулакъдан эсе, кёзге ышан.
- Элге къуллукъ этмеген, элге ие болмаз.
- Къобан да къуру да къобханлай турмайды, адам да къуру да патчахлай турмайды.
- Ойнай-ойнай кёз чыгъар.
- Сакъалы текени да бар, мыйыгъы киштикни да бар.
- Ашлыкъны арба юйге келтирир, чана базаргъа элтир.
- Тай асырагъан, атха минер.
- Эл тойса, тоймагъан, эл къойса, къоймагъан.
- Тиширыусуз юй – отсуз от джагъа.
- Ата – билек, ана – джюрек!
- Орну джокъну – сыйы джокъ.
- Къазанны башы ачыкъ болса, итге уят керекди.
- Джети тилни билген джети кишиди.
- Ишин билген, аны сыйын чыгъарады.
- Джыланны къуйругъундан басарынг келсе, аны башы болгъанын унутма.
- Тили узунну, намысы – къысха.
- Ач къарынны, токъ билмез
- Тилсиз миллет джокъ болур.
- Насыблы элин сюер, насыбсыз кесин сюер.
- Айтхан сёзюне табылгъан.
- Олтуруб кёрюнмей эди да, ёрге туруб кёрюне эди.
- Кийимни бир кюнню аясанг, минг кюннге джарар.
- Эринчекни аурууу – кёб.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тилде сюек болмаса да, сюек сындырыр.
- Ана кёлю – балада, бала кёлю – талада.
- Ауурну тюбю бла, дженгилни башы бла джюрюген.
- Душманны тышы – акъ, ичи – къара.
- Ёнгкюч къууана барыр, джылай келир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72