- Тойгъа барсанг, тоюб бар, эски тонунгу къоюб бар.
- Тюзлюк шохлукъну бегитир.
- Юйюнгден чыкъдынг – кюнюнгден чыкъдынг.
- Эринчекге кюн узун.
- Иги бла джюрюсенг, джетерсе муратынга, аман бла джюрюсенг, къалырса уятха.
- Алтыда кюлмеген, алтмышда кюлмез.
- Бет бетге къараса, бет да джерге къарар.
- Таякъ этден ётер, тил сюекден ётер.
- Сагъыш – къартлыкъгъа сюйюмчю.
- Ишленмеклик адамлыкъды.
- Башсыз урчукъ тюзюне айланмаз.
- Эллинг бла джау болсанг да, юйюнг бла джау болма.
- Адамны сыфатына къарама, сёзюне къара.
- Уруну арты – къуру.
- Мухарны эси – ашарыкъда.
- Чабакъсыз кёлге къармакъ салгъанлыкъгъа, чабакъ тутмазса.
- Байлыкъ келсе, акъыл кетер.
- Аджашхан тёгерек айланыр.
- Къыз чыгъаргъан – къызыл къымжа.
- Орну джокъну – сыйы джокъ.
- Акъыл сабырлыкъ берир.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёлмесенг да, къарт дамы болмазса?
- Ач, тоймам, дейди, тойгъан, ач болмам, дейди.
- Къайгъыны сюйген, къайгъы табар.
- Башы джабылгъан челекге, кир тюшмез.
- Бир абыннган – минг сюрюнюр.
- Къонакъ аз олтурур, кёб сынар.
- Хоншуну тауугъу къаз кёрюнюр, келини къыз кёрюнюр.
- Биреу къой излей, биреу той излей.
- Адамгъа аман кюн соруб келмейди.
- Бек ашыкъгъан меннге джетсин, дегенди аракъы.
- Бетинги сатма, малынгы сат.
- Ашына кёре табагъы, балына кёре къалагъы.
- Телиге акъыл салгъандан эсе, ёлгеннге джан салырса.
- Аджаллыгъа окъсуз шкок атылыр.
- Къарнынг ауруса, ауузунгу тый
- Айран тёгюлсе, джугъусу къалыр.
- Сангырау къулакъ эл бузар.
- Ишлегенден, къарагъан уста.
- Атлыны ашхысы, ат тизгининден билинир
- Кесине оноу эте билмеген, халкъына да эте билмез.
- Аз айтсам, кёб ангылагъыз.
- Чакъырылмагъан къонакъ къачан кетерин сормаз.
- Чабар ат – джетген къыз.
- Къарт болгъан джерде, берекет болур, сабий болгъан джерде, оюн болур.
- Экеу тутушса, биреу джыгъылыр.
- Дженгил джетерикме деб, узун джолну къоюб, къысхасын барма.
- Чомарт джарлы болмаз.
- Шапа кёб болса, аш татымсыз болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72