- Келгинчи, къонакъ уялыр, келгенден сора, къонакъбай уялыр.
- Рысхы джалгъанды: келген да этер, кетген да этер.
- Тилчи тилден къаныкъмаз.
- Таукелге нюр джауар.
- Байлыкъ тауусулур, билим тауусулмаз.
- Чомартны къолу берекет.
- Ишни ахырын ойламай, аллын башлама.
- Хансыз джомакъ болмаз.
- Ата – баланы уясы.
- Сибиртки да сыйлы болду, кюрек да кюнлю болду.
- Намыс болмагъан джерде, насыб болмаз.
- Харам къарнашдан, халал тенг ашхы.
- Къар – келтирди, суу – элтди.
- Къаллай салам берсенг, аллай джууаб алырса.
- Садакъачыны джаны – къапчыгъында.
- Тилчиден кери бол.
- Халкъны джырын джырласанг, халкъ санга эжиу этер.
- Къарын къуру болса, джюрек уру болур.
- Кийим тукъум сордурур.
- Къонагъынгы артмагъын алма да, алгъышын ал.
- Хаухну атма, ёнгкючню сатма.
- Тил – миллетни джаны.
- Ачыу алгъа келсе, акъыл артха къалады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Арыгъан къош чамчы болур.
- Кёб джат да, бек чаб.
- Аманнга да, игиге да оноусуз къатышма.
- Насыблы элин сюер, насыбсыз кесин сюер.
- Таш ата билмеген, башына урур.
- Адамны бетине къарама, адетине къара.
- Мухарны эси – ашарыкъда.
- Ашыкъгъанны этеги бутуна чырмалыр.
- Суу да къайтады чыкъгъан джерине.
- Акъыллы эркиши атын махтар, акъылсыз эркиши къатынын махтар.
- Насыб бютеу халкъны юлюшюдю.
- Къонакъ аман болса, къонакъбай джунчур
- Бир абыннган – минг сюрюнюр.
- Нафысынгы айтханын этме, намысынгы айтханын эт.
- Ачылгъан эт джабылыр, кёрген кёз унутмаз.
- Биреу ашаб къутулур, биреу джалаб тутулур.
- Айран тёгюлсе, джугъусу къалыр.
- Онгсузну – джакъла, тенгликни – сакъла.
- Джумушакъ сёз къаты таякъны сындырыр.
- Кёкдеги болмаса, джердегин кёрмейди.
- Экеу тутушса, биреу джыгъылыр.
- Къууут – джелге, берне – бошха.
- Джукъу тёшек сайламайды.
- Сакъламагъан затынга джолукъсанг, не бек къууанаса, не бек ачыйса.
- Мал кёб болса, джууукъ кёб болур.
- Тюз сёз баргъан сууну тыяр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72