- Ауругъанны сау билмез, ач къарынны токъ билмез.
- Гугурук къычырмаса да, тангны атары къалмаз.
- Эли джокъну – кёлю джокъ.
- Билген билмегенни юретген адетди.
- Бермеген къол, алмайды.
- Таякъ этден ётер, тил сюекден ётер.
- Адамны аты башхача, акъылы да башхады.
- Сабийни джумушха джибер да, ызындан бар.
- Ишге юренсин къоллары, халкъ бла болсун джоллары.
- Ач уят къоймаз.
- Чомарт къолда мал къалмаз.
- Ашхы тенг джолгъа салыр, аман тенг джолдан тайдырыр.
- Къолу уллу – асыу, аягъы уллу – джарсыу.
- Бал – татлы, балдан да бала – татлы.
- Терек ауса, отунчу – кёб.
- Эл ауузу – элия.
- Адам къыйынлыгъын кёлтюрюр, зауукълугъун кёлтюрмез.
- Аман адам элни бир-бирине джау этер.
- Тил джюрекге джол ишлейди.
- Нафысынгы айтханын этме, намысынгы айтханын эт.
- Кийимни бичсенг, кенг бич, тар этген къыйын тюлдю.
- Джогъун бар этген, барын бал этген.
- Акъыл къартда, джашда тюйюлдю – башдады.
- Эринчекни эр алмаз, эр алса да, кёл салмаз, кёл салса да, кёб бармаз!
- Азыкълы ат арымаз, къатыны аман джарымаз.
- Кюл тюбюндеги от кёрюнмейди.
- Джангыз торгъай джырламаз.
- Келлик заман – къартлыкъ келтирир, кетген заман – джашлыкъ ёлтюрюр.
- Махтаннган къыз, тойда джукълар.
- Азыкъ аз болса, эртде орун сал.
- Чомартны къолу берекет.
- Тёрде – темир таякълы, къаяда – чыпчыкъ аякълы.
- Телиге акъыл салгъандан эсе, ёлгеннге джан салырса.
- Акъылсызны джууукъгъа алма, акъыллыны кенгнге салма.
- Адеб джокъда, намыс джокъ.
- Къан бла кирген, джан бла чыгъар.
- Шапа кёб болса, аш татымсыз болур.
- Атлыны ашхысы, ат тизгининден билинир
- Тенги кёбню джау алмаз, акъылы кёбню дау алмаз.
- Ишленмеклик адамлыкъды.
- Кюлме джашха – келир башха.
- Акъыл сабырлыкъ берир.
- Иги сёз – джаннга азыкъ, аман сёз башха – къазыкъ.
- Элни кючю – эмеген.
- Билим ат болуб да чабар, къуш болуб да учар.
- Айныгъанлы алты кюн, тогъайгъанлы тогъуз кюн.
- Термилгенинги табмазса, кюлгенинге тюберсе.
- Суугъа – чабакъ, къаягъа – ыргъакъ.
- Чакъырылмагъан къонакъ – орунсуз.
- Насыб бютеу халкъны юлюшюдю.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72