- Джумушакъ сёз къаты таякъны сындырыр.
- Сакъалы текени да бар, мыйыгъы киштикни да бар.
- Айран тёгюлсе, джугъусу къалыр.
- Ашха уста, юйюнде болсун
- Аман къатын сабий табса, бий болур…
- Кёбге таш атма.
- Хунаны тюбюн къазсанг, юсюнге ауар.
- Ётюрюкню къуйругъу – бир тутум.
- Биреуню къыйынлыгъы бла кесинге джол ишлеме.
- Чомартха Тейри да борчлуду.
- Ана къолу ачытмаз.
- Кёпюр салгъан кеси ётер, уру къазгъан кеси кетер.
- Тёзген – тёш ашар!
- Таула не мийик болсала да, аууш табылыр.
- Акъыллы эркиши атын махтар, акъылсыз эркиши къатынын махтар.
- Джарлы эскисин джамаса, къууаныр.
- Ач келгенни – тойдур, кеч келгенни – къондур.
- Адеб этмеген, адеб кёрмез.
- Ачыкъ джюрекге джол – ачыкъ.
- Элиб деген, элге болушур.
- Тас болгъан бычакъны сабы – алтын.
- Тёрдеги кюлсе, эшикдеги ышарыр.
- Ана къойну – балагъа джандет.
- Къонакъ аз олтурур, кёб сынар.
- Аманнга алтын чыдамаз.
- Таш бла ургъанны, аш бла ур.
- Таукел тауну аудурур.
- Юйлю уругъа ит чабмаз.
- Нафысынгы айтханын этме, намысынгы айтханын эт.
- Къартны бурнун сюрт да, оноугъа тут.
- Баш болса, бёрк табылыр.
- Душманны тышы – акъ, ичи – къара.
- Кесине оноу эте билмеген, халкъына да эте билмез.
- Тура эдим джата, къайдан чыкъды хата?
- Чалманны аллы къалай башланса, арты да алай барады.
- Ариу – кёзге, акъыл – джюрекге.
- Эм ашхы къайын ана мамукъ бла башынгы тешер.
- Мал кёб болса, джууукъ кёб болур.
- Ойнаб айтсанг да, эслеб айт.
- Билгенни къолу къарны джандырыр.
- Ашлыкъ – бюртюкден, джюн – тюкден.
- Ёгюзню мюйюзюнден тутадыла, адамны сёзюнден тутадыла.
- Юре билмеген ит, къонакъ келтирир.
- Сёз къанатсыз учар.
- Чыбыкълыкъда бюгюлмеген, къазыкълыкъда бюгюлмей эди.
- Башланнган иш битер, къымылдагъан тиш тюшер.
- Узун джолну барсанг, бюгюн келирсе, къысха джолну барсанг, тамбла келирсе.
- Сабий болмагъан джерде, мёлек болмаз.
- Биреуню тёрюнден, кесинги эшик артынг игиди.
- Ёлмесенг да, къарт дамы болмазса?
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72