- Мал кёб болса, джууукъ кёб болур.
- Къозулугъунда тоймагъан, къойлугъунда тоймаз.
- Ёлген аслан – сау чычхан.
- Къарт бла баш аша, джаш бла аякъ аша.
- Чакъырылгъанны аты, чакъырылмагъанны багъасы болур.
- Суу кетер, таш къалыр.
- Ойнаб айтсанг да, эслеб айт.
- Мени джылытмагъан кюн, меннге тиймесин!
- Сормай – алма, чакъырылмай – барма.
- Башы ишлегенни, ауузу да ишлер.
- Ашха уста, юйюнде болсун
- Келинни – келгинчи, бёркню кийгинчи кёр.
- Къатыны харакетли болса, эри къымсыз болур.
- Таукел адам тау тешер.
- Къарын къуру болса, джюрек уру болур.
- Халкъны юйю – туугъан джери.
- Махтаннган къыз, тойда джукълар.
- Ётюрюкню къуйругъу – бир тутум.
- Тилчиден кери бол.
- Хоншуну тауугъу къаз кёрюнюр, келини къыз кёрюнюр.
- Иги сёз – джаннга азыкъ, аман сёз башха – къазыкъ.
- Сютден ауузу кюйген, суугъа юфгюре эди.
- Ачлыкъда тары гырджын халыуадан татлы.
- Агъач – джерни чырайы, кийим – эрни чырайы.
- Къонакъ хазыр болгъанлыкъгъа, къонакъбай хазыр тюлдю.
- Къызын тута билмеген, тул этер, джашын тута билмеген, къул этер.
- Тенгни тенглиги джашай барсанг билинир.
- Ауузу бла къуш тута айланады.
- Тюз сёз баргъан сууну тыяр.
- Бети къызарыучу адамны, джюреги харам болмаз.
- Адамны адамлыгъы къыйынлыкъда айгъакъланады.
- Аз сёлешген, къайгъысыз турур.
- Ашыкъгъанны этеги бутуна чырмалыр.
- Джогъун бар этген, барын бал этген.
- Юреннген ауруу къалмаз.
- Арпа, будай – ащды, алтын, кюмюш а – ташды.
- Къарыусузгъа кюлме, онгсузгъа тийме.
- Ханнга да келеди хариблик.
- Джауумдан сора, кюн кюйдюрюр, ётюрюкден сора, айыб кюйдюрюр.
- Берекет берсин деген джерде, берекет болур.
- Ёзденликни кёбю ётюрюк.
- Кенгеш болса, уруш болмаз.
- Ач уят къоймаз.
- Джаралыны джастыгъында сау ёлюр.
- Джукъу тёшек сайламайды.
- Акъыл бла адеб эгизледиле.
- Джуртун къоругъан озар.
- Этек чакъмакълары баш джаргъан, сёлешген сёзлери таш джаргъан.
- Ач къалгъандан, кеч къалгъан къолай.
- Тюзлюк тас болмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72