- Ач да бол, токъ да бол – намысынга бек бол.
- Адам къаллай бир ишленмесе, аллай бир кесин уллу кёреди.
- Халкъны юйю – туугъан джери.
- Тулпарлыкъ, билекден тюл – джюрекден.
- Сёз къанатсыз учар.
- Билим къая тешер.
- Кюл тюбюндеги от кёрюнмейди.
- Къуллукъчума, деб махтанма, къуллукъ – хаух джамчыды!
- Aдам боллукъ, сыфатындан белгили.
- Огъурлуну сёзю – суу, огъурсузну сёзю – уу.
- Кесине оноу эте билмеген, халкъына да эте билмез.
- Адебсиз адам – джюгенсиз ат.
- Джырчы ёлсе, джыры къалыр.
- Джумушакъ терекни къурт ашар.
- Орундукъ тюбюнде атылсам да, орта джиликме, де да айлан.
- Эринчекге кюн узун.
- Акъыл бла адеб эгизледиле.
- Арба аугъандан сора, джол кёргюзтюучю кёб болур.
- Ата – баланы уясы.
- Ач келгенни – тойдур, кеч келгенни – къондур.
- Аз сёлешген, къайгъысыз турур.
- Билим ат болуб да чабар, къуш болуб да учар.
- Къанны къан бла джуума, аманны аман бла къуума.
- Чакъырылмагъан къонакъ – орунсуз.
- Кёл – къызбай, къол – батыр.
- Тёрдеги кюлсе, эшикдеги ышарыр.
- Адамны аманы адамны бети бла ойнар.
- Ойнай билмеген, оюн бузар.
- Эртде тургъан бла эртде юйленнген сокъуранмаз.
- Суугъа – чабакъ, къаягъа – ыргъакъ.
- Телиге акъыл салгъандан эсе, ёлгеннге джан салырса.
- Ётюрюкчюню шагъаты – къатында.
- Ачны эсинде – аш.
- Ышармагъан – кюлмез, кюлмеген – къууанчны билмез.
- Тил – кесген бычакъ, сёз – атылгъан окъ.
- Джылар джаш, атасыны сакъалы бла ойнар.
- Кёзден кетген, кёлден да кетеди.
- Илму – джашауну джолу.
- Джеринден айырылгъан – джети джылар, джуртундан айырылгъан – ёлгюнчю джылар.
- Болджал ишни бёрю ашар.
- Алим болгъандан эсе, адам болгъан къыйынды.
- Билмейме деген – бир сёз
- Чомартха хар кюн да байрамды.
- Аджашхан тёгерек айланыр.
- Къарт бла баш аша, джаш бла аякъ аша.
- Ашхы – джыяр, аман – джояр.
- Игилик игилик бла сингдирилиучю затды.
- Мураты болгъанны джюрек тебюую башхады.
- Телини эшигин, махтау джабар.
- Ёнгкюч къууана барыр, джылай келир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72