Эльбрусоид :: Форум :: Архив форумов

Джарашыу сюйген – джалынчакъ.
Джолунга кёре – джюрюшюнг, джагъанга кёре – юлюшюнг.
Эл элде бирер малынг болгъандан эсе, бирер тенгинг болсун.
Хоншуну тауугъу къаз кёрюнюр, келини къыз кёрюнюр.
Хата – гитчеден.
Айтханы чапыракъдан ётмеген.
Кийимни бир кюнню аясанг, минг кюннге джарар.
Ачны эсинде – аш.
Экеу тутушса, биреу джыгъылыр.
Кёз – сюйген джерде, къол – ауругъан джерде.
Гугурук къычырмаса да, тангны атары къалмаз.
Нафысынгы айтханын этме, намысынгы айтханын эт.
Джукъу тёшек сайламайды.
Бозаны арты дауур болур.
Билим – акъылны чырагъы.
Къуру гыбыт бек дыгъырдар.
Сёз – кюмюш, джыр – алтын.
Ашхы тенг джолгъа салыр, аман тенг джолдан тайдырыр.
Ауругъан – джашаудан умутчу.
Тас болгъан бычакъны сабы – алтын.
Игиге айтсанг – билир, аманнга айтсанг – кюлюр.
Тил – миллетни джаны.
Намысы джокъну – дуниясы джокъ.
Аджаллыгъа окъсуз шкок атылыр.
Абынмазлыкъ аякъ джокъ, джангылмазлыкъ джаякъ джокъ.
Баш – акъыл ючюн, акъылман – халкъ ючюн.
Аманны эки битли тону болур, бирин сеннге кийдирир, бирин кеси киер.
Ойнай билмеген, уруб къачар.
Сёз сёзню айтдырыр.
Джиби бир къат джетмей эди да, эки къат тарта эди.
Ач, тоймам, дейди, тойгъан, ач болмам, дейди.
Джаным-тиним – окъуу, билим.
Ашыкъгъанны этеги бутуна чырмалыр.
Ушамагъан – джукъмаз.
Битмегеннге сакъал – танг.
Ачлыкъда тары гырджын халыуадан татлы.
Акъыл сабырлыкъ берир.
Ашда – бёрю, ишде – ёлю.
Айранны сюйген, ийнек тутар.
Окъ къызбайны джокълайды.
Кечеси – аяз, кюню – къыш, джарлы къаргъагъа бир аш тюш!
Сёз садакъдан кючлюдю.
Къазанда болса, чолпугъа чыгъар.
Арбаз къынгырды да, ийнек сауалмайма.
Эл бла кёргенинг эрелей.
Ачлыкъ отха секиртир.
Эрине къаргъыш этген къатын, эрнин къабар.
Ишленмеклик адамлыкъды.
Чакъырылмагъан джерге барма, чакъырылгъан джерден къалма.
Айырылмаз джууугъунга, унутмаз сёзню айтма.

Логин:
Пароль:
	Запомнить меня на этом компьютере

Забыли свой пароль?
Регистрация