- Аджаллыгъа окъсуз шкок атылыр.
- Байлыкъ келсе, акъыл кетер.
- Сибиртки да сыйлы болду, кюрек да кюнлю болду.
- Къарнынг къанлынга кийирир.
- Айтылгъан сёз ызына къайтмаз.
- Бермеген къол, алмайды.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Мен да «сен», дейме, сен да «кесим», дейсе.
- Игилик игилик бла сингдирилиучю затды.
- Тойгъа барсанг, тоюб бар, эски тонунгу къоюб бар.
- Арба аугъандан сора, джол кёргюзтюучю кёб болур.
- Махтаннган къыз, тойда джукълар.
- Кёз – сюйген джерде, къол – ауругъан джерде.
- Мени джылытмагъан кюн, меннге тиймесин!
- Чакъырылгъанны аты, чакъырылмагъанны багъасы болур.
- Азыкълы ат арымаз, къатыны аман джарымаз.
- Чакъырылмагъан къонакъ тёрге атламаз.
- Этим кетсе да, сюегим къалыр.
- Баш – акъыл ючюн, акъылман – халкъ ючюн.
- Эркишини аманы тиширыуну джылатыр.
- Аман эсирсе, юйюн ояр.
- Адамны сабийин сюйген джюреги, бычакъча, джитиди.
- Босагъа таш юйге кирмей эди, тыбыр таш эшикге чыкъмай эди.
- Къыз тиширыу кеси юйюнде да къонакъды.
- Бойнуму джети джерден кессенг да, мен ол ишни этеллик тюлме.
- Рысхы – насыбха къор.
- Ачылгъан эт джабылыр, кёрген кёз унутмаз.
- Аманны эки битли тону болур, бирин сеннге кийдирир, бирин кеси киер.
- Адеб этмеген, адеб кёрмез.
- Таукел адам тау тешер.
- Насыблы элин сюер, насыбсыз кесин сюер.
- Асхат ашлыкъ сата, юйдегиси ачдан къата.
- Тели турса – той бузар.
- Къая джолда джортма, ачыкъ сёзден къоркъма.
- Акъыллы башны – тили къысха.
- Джол бла сёзню къыйыры джокъ.
- Ойнай билмеген, уруб къачар.
- Джаралыны джастыгъында сау ёлюр.
- Эки элинги тыйсанг, джети элде махталырса.
- Иги – алгъыш этер, аман – къаргъыш этер.
- Алтыннга тот къонмаз.
- Телиге акъыл салгъандан эсе, ёлгеннге джан салырса.
- Тенгни тенглиги джашай барсанг билинир.
- Мал ёлсе, сюек къалыр, адам ёлсе, иши къалыр.
- Акъыллы эркиши атын махтар, акъылсыз эркиши къатынын махтар.
- Сабийни джумушха джибер да, ызындан бар.
- Бозаны арты дауур болур.
- Бети – къучакълар, джюреги – бычакълар.
- Ашхы атаны – джашы ашхы, ашхы ананы – къызы ашхы.
- Адам сёзге тынгыла, акъыл сёзню ангыла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72