- Ашлыкъны арба юйге келтирир, чана базаргъа элтир.
- Тешик этген тынчды, аны джамагъан къыйынды.
- Джыйырма къойну юч джыйырма эбзе кюте эди.
- Тулпарлыкъ, билекден тюл – джюрекден.
- Абынмазлыкъ аякъ джокъ, джангылмазлыкъ джаякъ джокъ.
- Ата Джуртун танымагъан, атасын да танымаз.
- Атлыны кёрсе, джаяуну буту талыр.
- Ана къолу ачытмаз.
- Ариу сёз джыланны орнундан чыгъарыр.
- Чалманны аллы къалай башланса, арты да алай барады.
- Чакъырылмагъан къонакъ къачан кетерин сормаз.
- Хунаны тюбюн къазсанг, юсюнге ауар.
- Сакъламагъан затынга джолукъсанг, не бек къууанаса, не бек ачыйса.
- Кийимни бир кюнню аясанг, минг кюннге джарар.
- Джашынгы кесинг юретмесенг, джашау юретир.
- Ашхы болсанг, атынг чыгъар, аман болсанг, джанынг чыгъар.
- Аман къатын алгъан, арыр, иги къатын алгъан джарыр.
- Таула не мийик болсала да, аууш табылыр.
- Джаз бир кюнню джатсанг, къыш талай кюнню абынырса.
- Ёлмесенг да, къарт дамы болмазса?
- Керилген да, ургъан кибикди.
- Дуния малгъа сатылма, кесингден телиге къатылма.
- Экеулен сёлеше тура эселе, орталарына барыб кирме.
- Керти сёзге тёре джокъ.
- Уллу къашыкъ эрин джыртар.
- Ауругъаннга – кийик саулукъ, джетген къызгъа – чилле джаулукъ.
- Бети бедерден, намыс сакълама.
- Тилчи тилден къаныкъмаз.
- Тик ёргени, тик энгишгеси да болады.
- Атлыны ашхысы, ат тизгининден билинир
- Иги адамны бир сёзю эки болмаз.
- Ариуну – ауруу кёб.
- Ашха уста, юйюнде болсун
- Эртде тургъан бла эртде юйленнген сокъуранмаз.
- Аманнга игилик этсенг, юйюнге сау бармазса.
- Къайтырыкъ эшигинги, къаты уруб чыкъма.
- Биреуню тёрюнден, кесинги эшик артынг игиди.
- Ана къойну – балагъа джандет.
- Кёбню кёрген – кёб билир.
- Бичгенде ашыкъма, тикгенде ашыкъ.
- Джыланны къуйругъундан басарынг келсе, аны башы болгъанын унутма.
- Кесине гебен этелмеген, биреуге черен эте эди.
- Айтылгъан сёз ызына къайтмаз.
- Къулакъдан эсе, кёзге ышан.
- Иги сёз – джаннга азыкъ, аман сёз башха – къазыкъ.
- Тамырсыз терекге таянма – джыгъылырса.
- Къазанда болса, чолпугъа чыгъар.
- Къызбайны юйюне дери сюрсенг, батыр болур.
- Зар адамны насыбы болмаз.
- Келгинчи, къонакъ уялыр, келгенден сора, къонакъбай уялыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72