- Нарт сёз – тилни бети.
- Кенгеш болса, уруш болмаз.
- Арпа, будай – ащды, алтын, кюмюш а – ташды.
- Юй кюйдю да, кюйюз чыкъды, ортасындан тюйюш чыкъды.
- Суугъа – таянма, джаугъа – ийнанма.
- Экиндини кеч къылсанг, чабыб джетер ашхам.
- Джашлыкъ этмеген, башлыкъ этмез.
- Ёлген аслан – сау чычхан.
- Кёл – къызбай, къол – батыр.
- Узун джолну барсанг, бюгюн келирсе, къысха джолну барсанг, тамбла келирсе.
- Адебсиз адам – джюгенсиз ат.
- Джылыгъа джылан илешир.
- Тойну къарнашы – харс, джырны къарнашы – эжиу.
- Хатерли къул болур.
- Ёксюзню тилеги къабыл болур.
- Зар адам ашынгы ашар, кесинги сатар.
- Ётюрюкден тюбю джокъ, кёлтюрюрге джиби джокъ.
- Ач къалгъандан, кеч къалгъан къолай.
- Ашатыргъа иш – ашхы, ишлетирге аш – ашхы.
- Кёб ант этген, кёб ётюрюк айтыр.
- Ауузу бла къуш тута айланады.
- Къозулугъунда тоймагъан, къойлугъунда тоймаз.
- Аман къатын сабий табса, бий болур…
- Къулакъдан эсе, кёзге ышан.
- Окъугъан озар, окъумагъан тозар.
- Игиге айтсанг – билир, аманнга айтсанг – кюлюр.
- Ачны эсинде – аш.
- Аманнга алтын чыдамаз.
- Айырылгъанланы айю ашар, бёлюннгенлени бёрю ашар.
- Ауругъанны сау билмез, ач къарынны токъ билмез.
- Ач отунчуну ачыуу – бурнунда.
- Тура эдим джата, къайдан чыкъды хата?
- Кирсизни – саны таза, халалны – къаны таза.
- Шайтан алдады, тюзлюк къаргъады.
- Байдан умут эте, джарлыдан ёгюз багъасы къорады.
- Джол бла сёзню къыйыры джокъ.
- Ауузу аманнга «иги», деме.
- Адам туугъан джеринде, ит тойгъан джеринде.
- Ата джурт – алтын бешик.
- Къыз келсе, джумуш эте келеди, къатын келсе, ушакъ эте келеди.
- Эки къатын алгъанны къулагъы тынгнгаймаз.
- Джашда акъыл джокъ, къартда къарыу джокъ.
- Къазанда болса, чолпугъа чыгъар.
- Кийимни бир кюнню аясанг, минг кюннге джарар.
- Аман адам элни бир-бирине джау этер.
- Ач къарным, тынч къулагъым.
- Адам боллукъ, атламындан белгили болур.
- Кеси юйюмде мен да ханма.
- Ашхы тенг джолгъа салыр, аман тенг джолдан тайдырыр.
- Кесинг сынамагъан затны, адамгъа буюрма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72