- Келинин тута билмеген, къул этер, къызын тута билмеген, тул этер.
- Эр сокъур болсун, къатын тилсиз болсун.
- Шайтан алдады, тюзлюк къаргъады.
- Кёзю сокъурдан – къоркъма, кёлю сокъурдан – къоркъ.
- Мен да «сен», дейме, сен да «кесим», дейсе.
- Айранын берсенг, челегин да къызгъанма.
- Кечеси – аяз, кюню – къыш, джарлы къаргъагъа бир аш тюш!
- Эм уллу байлыкъ – джан саулукъ.
- Аман къатын сабий табса, бий болур…
- Ариу сёз джыланны орнундан чыгъарыр.
- Джарашыу сюйген – джалынчакъ.
- Кюн – узун, ёмюр – къысха.
- От этилмеген джерден тютюн чыкъмайды.
- Байма, деб да, къууанма, джарлыма, деб да, джылама.
- Адеб базарда сатылмаз.
- Агъач халкъгъа алтынды, иссиликге салкъынды.
- Чакъырылгъанны аты, чакъырылмагъанны багъасы болур.
- Кёрмегеннге кебек – танг, битмегеннге сакъал – танг.
- Байлыкъ тауусулур, билим тауусулмаз.
- Ёлген ийнек сютлю болур.
- Къошда джокъгъа – юлюш джокъ.
- Джашны джигитлиги сорулур, къызны джигерлиги сорулур.
- Ким бла джюрюсенг, аны кёзю бла кёрюнюрсе.
- Тёрени джагъы джокъ.
- Джырчы джырчыгъа – къарнаш.
- Чакъырылмагъан къонакъ къачан кетерин сормаз.
- Ишге юренсин къоллары, халкъ бла болсун джоллары.
- Джашда акъыл джокъ, къартда къарыу джокъ.
- Тынгылагъан тынгы бузар.
- Адам боллукъ, атламындан белгили болур.
- Къатын байлыкъны сюер, эр саулукъну сюер.
- Бек анасы джыламаз.
- Биреу къой излей, биреу той излей.
- Аманны тукъумуна къарама, игини тукъумун сорма.
- Суугъа – таянма, джаугъа – ийнанма.
- Уруну арты – къуру.
- Иши джокъну, сыйы джокъ.
- Къонакъ хазыр болгъанлыкъгъа, къонакъбай хазыр тюлдю.
- Кийим тукъум сордурур.
- Ургъан суудан башынгы сакъла.
- Игиге айтсанг – билир, аманнга айтсанг – кюлюр.
- Ач келгенни – тойдур, кеч келгенни – къондур.
- Ашлыкъны арба юйге келтирир, чана базаргъа элтир.
- Ёксюзню къалачы уллу кёрюнюр.
- Тюзлюк тас болмайды.
- Эки къатын алгъанны къулагъы тынгнгаймаз.
- Ауузу аманнга «иги», деме.
- Биреуге аманлыкъны тилеме да, кесинге ашхылыкъны тиле.
- Чомартха хар кюн да байрамды.
- Халкъны джырын джырласанг, халкъ санга эжиу этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72