Эльбрусоид :: Форум :: Архив форумов

Тил – миллетни джаны.
Адам боллукъ, атламындан белгили болур.
Кюлме джашха – келир башха.
Махтаннган къыз, тойда джукълар.
Ишленмеклик адамлыкъды.
Байма, деб да, къууанма, джарлыма, деб да, джылама.
Ата Джуртуму башы болмасам да, босагъасында ташы болайым.
Тойгъандан сора, ашны сёкме.
Азыгъы аз, алгъа къабар, аты аман, алгъа чабар.
Чомарт бергенин айтмаз.
Кийим тукъум сордурур.
Ёлген аслан – сау чычхан.
Къонагъы джокъну – шоху джокъ.
Тойчу джашха къарама, къойчу джашха къара.
Кёкдеги болмаса, джердегин кёрмейди.
Ана къолу ачытмаз.
Душманны тышы – акъ, ичи – къара.
Насыблы элин сюер, насыбсыз кесин сюер.
Игилик игилик бла сингдирилиучю затды.
Чакъырылгъанны аты, чакъырылмагъанны багъасы болур.
Байдан умут эте, джарлыдан ёгюз багъасы къорады.
Аууздан келген, къолдан келсе, ким да патчах болур эди.
Къоркъакъны кёзю экили кёрюр.
Ышармагъан – кюлмез, кюлмеген – къууанчны билмез.
Кёз – сюйген джерде, къол – ауругъан джерде.
Джолда аягъынга сакъ бол, ушакъда тилинге сакъ бол.
Къонакъ кёб келюучю юйню, къазаны отдан тюшмез.
Ишлегенде эринме, ишде чолакъ кёрюнме.
Тюз сёз баргъан сууну тыяр.
Абынмазлыкъ аякъ джокъ, джангылмазлыкъ джаякъ джокъ.
Аманнга да, игиге да оноусуз къатышма.
Ач да бол, токъ да бол – намысынга бек бол.
Тёзгеннге, джабылгъан эшик ачылыр.
Аллахдан тилесенг, кёб тиле.
Адам сёзюнден белгили.
Сабий болмагъан джерде, мёлек болмаз.
Накъырда – кертини келечиси.
Аллахха ийнаннган кишини, Аллах онгдурур ишин.
Къарнынг бла ёч алма.
Ашарыкъда сайлагъаннга – чий гырджын.
Киштикге къанат битсе, чыпчыкъ къалмаз эди.
Сескекли кесин билдирир.
Эртде тургъан бла эртде юйленнген сокъуранмаз.
Эри аманны, къатыны – аман.
Таукелге нюр джауар.
Джарлы тюеге минсе да, ит къабар.
Джангызны оту джарыкъ джанмаз!
Ёпкелегенни ашы татлы болады.
Джаным-тиним – окъуу, билим.
Ким бла джюрюсенг, аны кёзю бла кёрюнюрсе.

Логин:
Пароль:
	Запомнить меня на этом компьютере

Забыли свой пароль?
Регистрация