- Кютгени беш эчки, сызгъыргъаны уа, джерни джарады.
- Кёзню ачылгъаны – иги, ауузну джабылгъаны – иги.
- Джыланны къуйругъундан басарынг келсе, аны башы болгъанын унутма.
- Окъ къызбайны джокълайды.
- Джангызны оту джарыкъ джанмаз!
- Аманнга да, игиге да оноусуз къатышма.
- Къалгъан ишге къар джауар.
- Окъугъан озар, окъумагъан тозар.
- Ачлыкъда тары гырджын халыуадан татлы.
- Акъыл бла адеб эгизледиле.
- Эртде тургъан джылкъычыны эркек аты тай табар.
- Кёл ашады да, кеси ашады.
- Иги джашны ышаны – аз сёлешиб, кёб тынгылар.
- Джыйырма къойну юч джыйырма эбзе кюте эди.
- Билеги кючлю, бирни джыгъар, билими кючлю, мингни джыгъар.
- Шапа кёб болса, аш татымсыз болур.
- Джиби бир къат джетмей эди да, эки къат тарта эди.
- Эринчекни эр алмаз, эр алса да, кёл салмаз, кёл салса да, кёб бармаз!
- Адам къаллай бир ишленмесе, аллай бир кесин уллу кёреди.
- Ушамагъан – джукъмаз.
- Соргъан айыб тюлдю, билмеген айыбды.
- Ёгюзню мюйюзюнден тутадыла, адамны сёзюнден тутадыла.
- Джюрекге ариу – кёзге да ариу.
- Ариу сёз – къылычдан джити.
- Эрни эр этерик да, къара джер этерик да, тиширыуду.
- Айраннга суу къош, телиге джол бош.
- Къошда джокъгъа – юлюш джокъ.
- Баш – акъыл ючюн, акъылман – халкъ ючюн.
- Зар адамны насыбы болмаз.
- Къайгъы тюбю – тенгиз.
- Къыз келсе, джумуш эте келеди, къатын келсе, ушакъ эте келеди.
- Атадан ёксюз – бир ёксюз, анадан ёксюз – эки ёксюз.
- Тамчы таш тешер.
- Нарт сёз – тилни бети.
- Аш кетер да бет къалыр.
- Аман адам этегингден тутса, кес да къач.
- Атынг аманнга чыкъгъандан эсе, джанынг тамагъынгдан чыкъсын.
- Ичимден чыкъды хата, къайры барайым сата?
- Адеб джокъда, намыс джокъ.
- Рысхы джалгъанды: келген да этер, кетген да этер.
- Эки итни арасына сюек атма, эки адамны арасында сёз чыгъарма.
- Чакъырылмагъан къонакъ тёрге атламаз.
- Чакъырылмагъан къонакъ къачан кетерин сормаз.
- Намыс болмагъан джерде, насыб болмаз.
- Таугъа чыгъаллыкъ эсенг, тюзде къалма.
- Адам къыйынлыгъын кёлтюрюр, зауукълугъун кёлтюрмез.
- Акъыл неден да кючлюдю.
- Сёз сёзню айтдырыр.
- Ач да бол, токъ да бол – намысынга бек бол.
- Кёл – къызбай, къол – батыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72