- Эки къатын алгъанны къулагъы тынгнгаймаз.
- Мухар, кеси тойса да, кёзю тоймаз.
- Чакъырылмай келген къонакъ сыйланмай кетер.
- Къатын байлыкъны сюер, эр саулукъну сюер.
- Насыб бютеу халкъны юлюшюдю.
- Ачны эсинде – аш.
- Чоюнну башы ачыкъ болса, итге уят керекди.
- Терслик кетер, тюзлюк джетер.
- Элге къуллукъ этмеген, элге ие болмаз.
- Суугъа – таянма, джаугъа – ийнанма.
- Тойгъандан сора, ашны сёкме.
- Мал кёб болса, джууукъ кёб болур.
- Къозулугъунда тоймагъан, къойлугъунда тоймаз.
- Тамчы таш тешер.
- Ачлыкъда тары гырджын халыуадан татлы.
- Сагъышы джокъ – джукъучу, акъылы джокъ – къаугъачы.
- Байма, деб да, къууанма, джарлыма, деб да, джылама.
- Байлыкъ болгъан джерде, тынчлыкъ джокъду.
- Аш кетер да бет къалыр.
- Халкъны джырын джырласанг, халкъ санга эжиу этер.
- Аман къатын сабий табса, бий болур…
- Таукел тауну аудурур.
- Аман адам элни бир-бирине джау этер.
- Къызбайны юйюне дери сюрсенг, батыр болур.
- Кесине гебен этелмеген, биреуге черен эте эди.
- Адамны адамлыгъы къыйынлыкъда айгъакъланады.
- Кютгени беш эчки, сызгъыргъаны уа, джерни джарады.
- Бозанг болмагъан джерге, къалагъынгы сукъма.
- Къарнынг ауруса, ауузунгу тый
- Биреуню эскиси биреуге джангы болмайды.
- Башынга джетмегенни сорма.
- Ашхы – джыяр, аман – джояр.
- Чабакъсыз кёлге къармакъ салгъанлыкъгъа, чабакъ тутмазса.
- Алтыда кюлмеген, алтмышда кюлмез.
- Ашхылыкъ джерде джатмайды, аманлыкъ суугъа батмайды.
- Байны оноуу, джарлыгъа джарамаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Келинин тута билмеген, къул этер, къызын тута билмеген, тул этер.
- Ёлмесенг да, къарт дамы болмазса?
- Аууз сакълагъан – джан сакълар.
- Ётген ёмюр – акъгъан суу.
- Зарда марда джокъ.
- Экеулен сёлеше тура эселе, орталарына барыб кирме.
- Къулакъдан эсе, кёзге ышан.
- Адамны аманы адамны бети бла ойнар.
- Тил – кесген бычакъ, сёз – атылгъан окъ.
- Телини эшигин, махтау джабар.
- Джырчы джырчыгъа – къарнаш.
- Таш бла ургъанны, аш бла ур.
- Къартны сыйын кёрмеген, къартлыгъында сыйлы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72