- Джарашыу сюйген – джалынчакъ.
- Къызгъанчдан ычхыныр, мухардан ычхынмаз.
- Ишлегенден, къарагъан уста.
- Ёпкелегенни ашы татлы болады.
- Адамны артындан къара сабан сюрме.
- Къызны минг тилер, бир алыр.
- Телиге акъыл салгъандан эсе, ёлгеннге джан салырса.
- Байны оноуу, джарлыгъа джарамаз.
- Билим къая тешер.
- Байлыкъ адамны сокъур этер.
- Тюкюрюк баш джармаз, налат кёз чыгъармаз!
- Тили узунну, намысы – къысха.
- Къызын тута билмеген, тул этер, джашын тута билмеген, къул этер.
- Сабий болмагъан джерде, мёлек болмаз.
- Биреуге аманлыкъны тилеме да, кесинге ашхылыкъны тиле.
- Гыдай эчки суугъа къараб, мюйюзле кёрмесе, джашма алкъын, дегенди.
- Къонакъ хазыр болгъанлыкъгъа, къонакъбай хазыр тюлдю.
- Хунаны тюбюн къазсанг, юсюнге ауар.
- Огъурлуну сёзю – суу, огъурсузну сёзю – уу.
- Сёз садакъдан кючлюдю.
- Ашда уялгъан – мухар, ишде уялгъан – хомух.
- Хаухну атма, ёнгкючню сатма.
- Дуния мал дунияда къалады.
- Аз сёлешген, къайгъысыз турур.
- Ауузу бла къуш тута айланады.
- Адамны джюреги нени кёрюрге сюйсе, кёзю да аны кёрюрге ёч болады.
- Ёлмесенг да, къарт дамы болмазса?
- Таугъа чыгъаллыкъ эсенг, тюзде къалма.
- Кесинг сынамагъан затны, адамгъа буюрма.
- Джолунга кёре – джюрюшюнг, джагъанга кёре – юлюшюнг.
- Ёлген аслан – сау чычхан.
- Чомарт бергенин айтмаз.
- Ашлыкъ – бюртюкден, джюн – тюкден.
- Айырылмаз джууугъунга, унутмаз сёзню айтма.
- Оюмсуз атлагъан, аджалсыз ёлюр.
- Суугъа – чабакъ, къаягъа – ыргъакъ.
- Акъыллы – эл иеси, тели – эл баласы.
- Ханы къызы буюгъа-буюгъа киштик болду.
- Эки элинги тыйсанг, джети элде махталырса.
- Ойнай-ойнай кёз чыгъар.
- Ёгюзню мюйюзюнден тутадыла, адамны сёзюнден тутадыла.
- Атлыны ашхысы, ат тизгининден билинир
- Ётюрюк хапар аякъ тюбю бла джюрюйдю.
- Айтхан – тынч, этген – къыйын.
- Ойнаб айтсанг да, эслеб айт.
- Ачыкъ джюрекге джол – ачыкъ.
- Аш кетер да бет къалыр.
- Ишлерге уял да, ашаргъа табма.
- Кюн – узун, ёмюр – къысха.
- Акъыллы башны – тили къысха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72