- Чабакъгъа акъыл, табагъа тюшсе келеди.
- Ата – баланы уясы.
- Тёрде – темир таякълы, къаяда – чыпчыкъ аякълы.
- Уллу сёлешме да, уллу къаб.
- Телиге от эт десенг, юйюнге от салыр.
- Эрни эр этерик да, къара джер этерик да, тиширыуду.
- Биреуню къыйынлыгъы бла кесинге джол ишлеме.
- Чакъырылгъанны аты, чакъырылмагъанны багъасы болур.
- Эринчекни эр алмаз, эр алса да, кёл салмаз, кёл салса да, кёб бармаз!
- Башланнган иш битер, къымылдагъан тиш тюшер.
- Сагъыш – къартлыкъгъа сюйюмчю.
- Юре билмеген ит, къонакъ келтирир.
- Ауузу аманнга «иги», деме.
- Ёмюрлюк шохлукъну джел элтмез.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Орну джокъну – сыйы джокъ.
- Билими азны – ауузунда кирит.
- Къонакъ аз олтурур, кёб сынар.
- Ауурну тюбю бла, дженгилни башы бла джюрюген.
- Бозанг болмагъан джерге, къалагъынгы сукъма.
- Ашхы адам – халкъ байлыгъы, ашхы джер – джашау байлыгъы.
- Къумурсхала джыйылсала, пилни да джыгъадыла.
- Адамны адамлыгъы къыйынлыкъда айгъакъланады.
- Сангырау къулакъ эл бузар.
- Билимсиз иш бармаз.
- Намыс сатылыб алынмайды.
- Эшекге миннген – биринчи айыб, андан джыгъылгъан – экинчи айыб.
- Тай асырагъан, атха минер.
- Эл ауузу – элек, анга ийнаннган – халек.
- Байлыкъдан саулукъ ашхыды.
- Ёлген аслан – сау чычхан.
- Акъыллы айтыр эди, акъылсыз къоймайды.
- Айранын берсенг, челегин да къызгъанма.
- Къызгъанчдан ычхыныр, мухардан ычхынмаз.
- Чоюнну башы ачыкъ болса, итге уят керекди.
- Экеулен сёлеше тура эселе, орталарына барыб кирме.
- Джашлыкъ этмеген, башлыкъ этмез.
- Джети тилни билген джети кишиди.
- Къарнынг къанлынга кийирир.
- Джарлы тюеге минсе да, ит къабар.
- Эки къатын алгъанны къулагъы тынгнгаймаз.
- Эртде тургъан джылкъычыны эркек аты тай табар.
- Иесиз малны бёрю ашар.
- Аз сёлеш, кёб ишле.
- Къайгъыны сюйген, къайгъы табар.
- Къан бла кирген, джан бла чыгъар.
- Атынг аманнга чыкъгъандан эсе, джанынг тамагъынгдан чыкъсын.
- Иги адамны бир сёзю эки болмаз.
- Акъылсызны джууукъгъа алма, акъыллыны кенгнге салма.
- Къартха ушагъан джаш – акъыллы, джашха ушагъан къарт – тели.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72