- Къонакъ болсанг, ийнакъ бол.
- Юреннген ауруу къалмаз.
- Чакъырылмагъан къонакъ къачан кетерин сормаз.
- Тилчи бир сагъатха айлыкъ хата этер.
- Мухар, кеси тойса да, кёзю тоймаз.
- Тамырсыз терекге таянма – джыгъылырса.
- Кюн – узун, ёмюр – къысха.
- Суу ичген шауданынга тюкюрме.
- Дуния аламаты сен эсенг да, игиме деб айтма.
- Сабий болмагъан джерде, мёлек болмаз.
- Эки къатын алгъан – эки ташны ортасына башын салгъан.
- Ауузу бла къуш тута айланады.
- Эрине къаргъыш этген къатын, эрнин къабар.
- Адам сёзюнден белгили.
- Сабыр джетер муратха, сабырсыз къалыр уятха.
- Ашын ашагъанынгы, башын да сыйла.
- Ётюрюкчюню шагъаты – къатында.
- Гугурук къычырмаса да, тангны атары къалмаз.
- Ач къалгъандан, кеч къалгъан къолай.
- Ата – баланы уясы.
- Экеулен сёлеше тура эселе, орталарына барыб кирме.
- Ётюрюкден тюбю джокъ, кёлтюрюрге джиби джокъ.
- Тас болгъан бычакъны сабы – алтын.
- Сабийни джумушха джибер да, ызындан бар.
- Окъугъан озар, окъумагъан тозар.
- Тин – байлыгъынг, терен саулугъунг.
- Миллетни бойну – базыкъ, аны бла кюрешген – джазыкъ.
- Аманны къуугъан, аманлыкъ табар.
- Кёбден умут этиб, аздан къуру къалма.
- Эртде тургъан бла эртде юйленнген сокъуранмаз.
- Аманнга алтын чыдамаз.
- Арыгъан къош чамчы болур.
- Байма, деб да, къууанма, джарлыма, деб да, джылама.
- Билим къая тешер.
- Таукел къуру къалмаз.
- «Ма», - дегенни билмесенг, «бер», - дегенни билмезсе.
- Алтыда кюлмеген, алтмышда кюлмез.
- Эки ойлашыб, бир сёлешген.
- Къартны сыйын кёрмеген, къартлыгъында сыйлы болмаз.
- Иги джашны ышаны – аз сёлешиб, кёб тынгылар.
- Эри аманны, къатыны – аман.
- Босагъагъа джууукъ орун болса, ашыгъыб тёрге озма.
- Сабийликде юретмесенг, уллу болса – тюзелмез.
- Къыйынлы джети элге оноу этер.
- Сакъламагъан затынга джолукъсанг, не бек къууанаса, не бек ачыйса.
- Джаш болсун, къыз болсун, акъылы, саны тюз болсун.
- Таула не мийик болсала да, аууш табылыр.
- Кёзню ачылгъаны – иги, ауузну джабылгъаны – иги.
- Къарт болгъан джерде, берекет болур, сабий болгъан джерде, оюн болур.
- Этни да ашады, бетни да ашады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72