- Ачлыкъ отха секиртир.
- Ауурну тюбю бла, дженгилни башы бла джюрюген.
- Къонакъ хазыр болгъанлыкъгъа, къонакъбай хазыр тюлдю.
- Къартны бурнун сюрт да, оноугъа тут.
- Атынг аманнга чыкъгъандан эсе, джанынг тамагъынгдан чыкъсын.
- Окъуусуз билим – джокъ, билимсиз кюнюнг – джокъ.
- Аманнга да, игиге да оноусуз къатышма.
- Иги болса, тамадама – махтау, аман болса, меннге – айыб.
- Ёгюзню мюйюзлери ауурлукъ этмейдиле.
- Байны къызы баймакъ болса да, юйде къалмаз!
- Адамны аманы адамны бети бла ойнар.
- Билимли ёлмез, билимсиз кёрмез.
- Ачыкъ джюрекге джол – ачыкъ.
- Ачыу алгъа келсе, акъыл артха къалады.
- Этим кетсе да, сюегим къалыр.
- Алтыда кюлмеген, алтмышда кюлмез.
- Байлыкъ келсе, акъыл кетер.
- Экиндини кеч къылсанг, чабыб джетер ашхам.
- Ач уят къоймаз.
- Эринчекни аурууу – кёб.
- Чоюнну башы ачыкъ болса, итге уят керекди.
- Чабар ат – джетген къыз.
- Хатерли къул болур.
- Адам сёзюнден белгили.
- Таула не мийик болсала да, аууш табылыр.
- Ёмюрлюк шохлукъну джел элтмез.
- Чакъырылмагъан къонакъ – орунсуз.
- Бюгюн дуния кибик, тамбла ахыратды.
- Этни бети бла шорпасы.
- Адебсиз адам – джюгенсиз ат.
- Ариуну – ауруу кёб.
- Айыбны суу бла джууалмазса.
- Джарлы тюеге минсе да, ит къабар.
- Адеб базарда сатылмаз.
- Босагъа таш юйге кирмей эди, тыбыр таш эшикге чыкъмай эди.
- Ашхы адам – халкъ байлыгъы, ашхы джер – джашау байлыгъы.
- Киштикге къанат битсе, чыпчыкъ къалмаз эди.
- Къартха ушагъан джаш – акъыллы, джашха ушагъан къарт – тели.
- Бал ашаргъа сюе эсенг, чибин ургъаннга тёз.
- Тик ёргени, тик энгишгеси да болады.
- Бозаны арты дауур болур.
- Мал кёб болса, джууукъ кёб болур.
- Окъдан джара эртде-кеч болса да бителир, сёз джара, ёмюрге къалыр.
- Уясында не кёрсе, учханында аны этер.
- Ётюрюкчюню шагъаты – къатында.
- Бек анасы джыламаз.
- Тойгъандан сора, ашны сёкме.
- Чомарт джарлы болмаз.
- Башсыз урчукъ тюзюне айланмаз.
- Зарда марда джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72