- Бойнуму джети джерден кессенг да, мен ол ишни этеллик тюлме.
- Онгсузну – джакъла, тенгликни – сакъла.
- Эркишиге тары кебек танг кёрюнюр.
- Алтыннга тот къонмаз.
- Келлик заман – къартлыкъ келтирир, кетген заман – джашлыкъ ёлтюрюр.
- Ачыкъ джюрекге джол – ачыкъ.
- Чабакъсыз кёлге къармакъ салгъанлыкъгъа, чабакъ тутмазса.
- Ашына кёре табагъы, балына кёре къалагъы.
- Адам къыйынлыгъын кёлтюрюр, зауукълугъун кёлтюрмез.
- Ашха уста, юйюнде болсун
- Тёзген – тёш ашар!
- Къызны минг тилер, бир алыр.
- Иги джашны ышаны – аз сёлешиб, кёб тынгылар.
- Башланнган иш битер, къымылдагъан тиш тюшер.
- Къыз келсе, джумуш эте келеди, къатын келсе, ушакъ эте келеди.
- Байлыкъдан саулукъ ашхыды.
- Иги сеники эсе да, сюйген кесимикин этеме.
- Тели турса – той бузар.
- Болджал ишни бёрю ашар.
- Уллу сёлешме да, уллу къаб.
- Келинин тута билмеген, къул этер, къызын тута билмеген, тул этер.
- Накъырда – кертини келечиси.
- Зар адамны насыбы болмаз.
- Дууулдаса – бал чибин, къонса – къара чибин.
- Узун джолну барсанг, бюгюн келирсе, къысха джолну барсанг, тамбла келирсе.
- Кёзю сокъурдан – къоркъма, кёлю сокъурдан – къоркъ.
- Аман адам элни бир-бирине джау этер.
- Кюл тюбюндеги от кёрюнмейди.
- Айтхан сёзюне табылгъан.
- Экеу тутушса, биреу джыгъылыр.
- Байма, деб да, къууанма, джарлыма, деб да, джылама.
- Биреуню эскиси биреуге джангы болмайды.
- Ышармагъан – кюлмез, кюлмеген – къууанчны билмез.
- Ёлюк кебинсиз къалмаз.
- Кеси юйюмде мен да ханма.
- Уллу атлама – абынырса, уллу къабма – къарылырса.
- Азыгъы аз, алгъа къабар, аты аман, алгъа чабар.
- Джюрек кёзден алгъа кёрюр.
- Аджалсыз ёлюм болмаз.
- Кёл – къызбай, къол – батыр.
- Баш – акъыл ючюн, акъылман – халкъ ючюн.
- Аш хазыр болса, иш харам болур.
- Сабий кёргенин унутмаз.
- Ата Джуртча джер болмаз, туугъан элча эл болмаз.
- Эл бла кёргенинг эрелей.
- Сабийни джумушха джибер да, ызындан бар.
- Бет бетге къараса, бет да джерге къарар.
- Рысхы – насыбха къор.
- Ёгюзню мюйюзюнден тутадыла, адамны сёзюнден тутадыла.
- Ариу джол аджал келтирмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72