- Термилгенинги табмазса, кюлгенинге тюберсе.
- Джангызны оту джарыкъ джанмаз!
- Ишлегенде эринме, ишде чолакъ кёрюнме.
- Мал кёб болса, джууукъ кёб болур.
- Сагъыш – къартлыкъгъа сюйюмчю.
- Окъугъан озар, окъумагъан тозар.
- Ауругъанны сау билмез, ач къарынны токъ билмез.
- Ханнга да келеди хариблик.
- Махтаннган къыз, тойда джукълар.
- Къарнынг къанлынга кийирир.
- Джогъун бар этген, барын бал этген.
- Ойнай билмеген, оюн бузар.
- Ариу джол аджал келтирмез.
- Таш ата билмеген, башына урур.
- Атлыны ашхысы, ат тизгининден билинир
- Харам къарнашдан, халал тенг ашхы.
- Айран тёгюлсе, джугъусу къалыр.
- Ашхы – джыяр, аман – джояр.
- Биреуню къыйынлыгъы бла кесинге джол ишлеме.
- Тойгъан антын унутур.
- Къыз тиширыу кеси юйюнде да къонакъды.
- Бети бедерден, намыс сакълама.
- Тил джюрекге джол ишлейди.
- Тилде сюек болмаса да, сюек сындырыр.
- Адебсиз адам – джюгенсиз ат.
- Джаханимни кёрмей, джандетге кёл салмазса.
- Аман хансны – урлугъу кёб.
- Ашаса, ашамаса да, бёрюню ауузу – къан.
- Айныгъанлы алты кюн, тогъайгъанлы тогъуз кюн.
- Кюл тюбюндеги от кёрюнмейди.
- Мал тутхан – май джалар.
- Тели турса – той бузар.
- Ушамагъан – джукъмаз.
- Зар адам ашынгы ашар, кесинги сатар.
- Къонагъынгы артмагъын алма да, алгъышын ал.
- Джетген къыз джерли эшекни танымаз.
- Чыбыкълыкъда бюгюлмеген, къазыкълыкъда бюгюлмей эди.
- Джукъу тёшек сайламайды.
- Баш – акъыл ючюн, акъылман – халкъ ючюн.
- Олтуруб кёрюнмей эди да, ёрге туруб кёрюне эди.
- Ишни аллы бла къууанма да, арты бла къууан.
- Ат басханны джер билед.
- Байлыкъ келсе, акъыл кетер.
- Дууулдаса – бал чибин, къонса – къара чибин.
- Сакъ юйюне сау барыр.
- Сабий кёргенин унутмаз.
- Джаш къарыу бла кючлю, къарт акъыл бла кючлю.
- Айранны сюйген, ийнек тутар.
- Тили узунну, намысы – къысха.
- Джюрек кёзден алгъа кёрюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72