Эльбрусоид :: Форум :: Архив форумов

Джашынгы кесинг юретмесенг, джашау юретир.
Эртде тургъан джылкъычыны эркек аты тай табар.
Адам къаллай бир ишленмесе, аллай бир кесин уллу кёреди.
Тили узунну, намысы – къысха.
Кесинге джетмегенни, кёб сёлешме.
Сабий болмагъан джерде, мёлек болмаз.
Аман эсирсе, юйюн ояр.
Къонакъ аман болса, къонакъбай джунчур
Билим насыб берир, билим джолну керир.
Келинин тута билмеген, къул этер, къызын тута билмеген, тул этер.
Сёз садакъдан кючлюдю.
Ёлген ийнек сютлю болур.
Башы ишлегенни, ауузу да ишлер.
Чыбыкълыкъда бюгюлмеген, къазыкълыкъда бюгюлмей эди.
Берекет берсин деген джерде, берекет болур.
Тёрде – темир таякълы, къаяда – чыпчыкъ аякълы.
Кютгени беш эчки, сызгъыргъаны уа, джерни джарады.
Керти сёзге тёре джокъ.
Эркиши – от, тиширыу – суу.
Джылар джаш, атасыны сакъалы бла ойнар.
Адеби болмагъан къыз – тузсуз хант.
Билим – акъылны чырагъы.
Гугук кесини атын айтыб къычыргъанча, мен, мен деб нек тураса?
Аманны къуугъан, аманлыкъ табар.
Ашлыкъ – бюртюкден, джюн – тюкден.
Джол бла сёзню къыйыры джокъ.
Ёпкелегенни ашы татлы болады.
Чабакъгъа акъыл, табагъа тюшсе келеди.
Сёз сёзню айтдырыр.
Тас болгъан бычакъны сабы – алтын.
Аш иеси бла татлыды.
Тойну къарнашы – харс, джырны къарнашы – эжиу.
Эр сокъур болсун, къатын тилсиз болсун.
Азыкъ аз болса, эртде орун сал.
Адамны джюреги нени кёрюрге сюйсе, кёзю да аны кёрюрге ёч болады.
Мени джылытмагъан кюн, меннге тиймесин!
Нарт сёз къарт болмаз.
Сангырау къулакъ эл бузар.
Аууздан келген, къолдан келсе, ким да патчах болур эди.
Эм уллу байлыкъ – джан саулукъ.
Ачны эсинде – аш.
Ат да турмайды бир териде.
Тюзлюк шохлукъну бегитир.
Садакъачыны джаны – къапчыгъында.
Телиге от эт десенг, юйюнге от салыр.
Дуния аламаты сен эсенг да, игиме деб айтма.
Игиге айтсанг – билир, аманнга айтсанг – кюлюр.
Этим кетсе да, сюегим къалыр.
Мухардан ач ычхынмаз.
Къолу уллу – асыу, аягъы уллу – джарсыу.

Логин:
Пароль:
	Запомнить меня на этом компьютере

Забыли свой пароль?
Регистрация