- Адеб этмеген, адеб кёрмез.
- Махтаннган къыз, тойда джукълар.
- Хар зат кесини орнуна иги.
- Джылкъыдан – ат чыгъар, тукъумдан – джаш чыгъар.
- Тил – миллетни джаны.
- Аман адам элни бир-бирине джау этер.
- Тёгюлген тюгел джыйылмайды.
- Джарлыны эшигин махтагъан джабар.
- Сангырау къулакъ эл бузар.
- Кесинг сынамагъан затны, адамгъа буюрма.
- Таукелге нюр джауар.
- Тойну къарнашы – харс, джырны къарнашы – эжиу.
- Чабакъсыз кёлге къармакъ салгъанлыкъгъа, чабакъ тутмазса.
- Тойгъан антын унутур.
- Чабакъгъа акъыл, табагъа тюшсе келеди.
- Ачлыкъ отха секиртир.
- Малны кют, джерни тюрт.
- Тешик этген тынчды, аны джамагъан къыйынды.
- Аджаллыгъа окъсуз шкок атылыр.
- Соргъан айыб тюлдю, билмеген айыбды.
- Джигер – джаннга къыйынлыкъ.
- Сабыр джетер муратха, сабырсыз къалыр уятха.
- Чабар ат – джетген къыз.
- Аджал соруб келмез, келсе, къайтыб кетмез.
- Тин – байлыгъынг, терен саулугъунг.
- Ауузу бла къуш тута айланады.
- Байдан умут эте, джарлыдан ёгюз багъасы къорады.
- Ариу сёз джыланны орнундан чыгъарыр.
- Орундукъ тюбюнде атылсам да, орта джиликме, де да айлан.
- Аууз сакълагъан – джан сакълар.
- Аурууну келиую тынч, кетиую – къыйын.
- Аджалсыз ёлюм болмаз.
- Тил бла келеди джыр да.
- Байны оноуу, джарлыгъа джарамаз.
- Джаз бир кюнню джатсанг, къыш талай кюнню абынырса.
- Ишлегенден, къарагъан уста.
- Ата Джуртуму башы болмасам да, босагъасында ташы болайым.
- Башсыз урчукъ тюзюне айланмаз.
- Мухар, кеси тойса да, кёзю тоймаз.
- Къуллукъчума, деб махтанма, къуллукъ – хаух джамчыды!
- Эл ауузу – элия.
- Къайгъыны сюйген, къайгъы табар.
- Керек ташны ауурлугъу джокъ.
- Акъыллы башны – тили къысха.
- Билеги кючлю, бирни джыгъар, билими кючлю, мингни джыгъар.
- Бек анасы джыламаз.
- Ашда уялгъан – мухар, ишде уялгъан – хомух.
- Ариу джол аджал келтирмез.
- Сёз садакъдан кючлюдю.
- Кюн – узун, ёмюр – къысха.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72