- «Ма», - дегенни билмесенг, «бер», - дегенни билмезсе.
- Эркишини аманы тиширыуну джылатыр.
- Къан бла кирген, джан бла чыгъар.
- Эки къатын алгъанны къулагъы тынгнгаймаз.
- Ким бла джюрюсенг, аны кёзю бла кёрюнюрсе.
- Биреуню эскиси биреуге джангы болмайды.
- Эки элинги тыйсанг, джети элде махталырса.
- Окъдан джара эртде-кеч болса да бителир, сёз джара, ёмюрге къалыр.
- Телини эшигин, махтау джабар.
- Рысхысына кёре, джаш ёсер, къышлыгъына кёре, мал ёсер.
- Къаллай салам берсенг, аллай джууаб алырса.
- Ичимден чыкъды хата, къайры барайым сата?
- Суу кетер, таш къалыр.
- Ашына кёре табагъы, балына кёре къалагъы.
- Ауузу аманнга «иги», деме.
- Тили узунну, намысы – къысха.
- Артына баргъанны, къатына барма.
- Берекет берсин деген джерде, берекет болур.
- Мал ёлсе, сюек къалыр, адам ёлсе, иши къалыр.
- Ханы къызы буюгъа-буюгъа киштик болду.
- Билим – акъылны чырагъы.
- Игини сыйлагъан адетди.
- Аманнга алтын чыдамаз.
- Хар сёзню орну барды.
- Акъыл аздырмаз, билим тоздурмаз.
- Ана къолу ачытмаз.
- Аманны эки битли тону болур, бирин сеннге кийдирир, бирин кеси киер.
- Таугъа чыгъаллыкъ эсенг, тюзде къалма.
- Абынмазлыкъ аякъ джокъ, джангылмазлыкъ джаякъ джокъ.
- Чарсда алчыны эл кёреди.
- Акъыллы эркиши атын махтар, акъылсыз эркиши къатынын махтар.
- Аманнга да, игиге да оноусуз къатышма.
- Тойгъа алгъа да барма, тойда артха да къалма.
- Ата джурт – алтын бешик.
- Адамгъа аман кюн соруб келмейди.
- Тин – байлыгъынг, терен саулугъунг.
- Алтыда кюлмеген, алтмышда кюлмез.
- Билими азны – ауузунда кирит.
- Юре билмеген ит, къонакъ келтирир.
- Битмегеннге сакъал – танг.
- Гугук кесини атын айтыб къычыргъанча, мен, мен деб нек тураса?
- Элге къуллукъ этмеген, элге ие болмаз.
- Къарнынг бла ёч алма.
- Ач отунчуну ачыуу – бурнунда.
- Хар зат кесини орнуна иги.
- Эри аманны, къатыны – аман.
- Ашатыргъа иш – ашхы, ишлетирге аш – ашхы.
- Азыгъы аз, алгъа къабар, аты аман, алгъа чабар.
- Ач да бол, токъ да бол – намысынга бек бол.
- Аджаллыгъа окъсуз шкок атылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72