Эльбрусоид :: Форум :: Архив форумов

Зар адам ашынгы ашар, кесинги сатар.
Иги сёз – джаннга азыкъ, аман сёз башха – къазыкъ.
Таукел къуру къалмаз.
Ышармагъан – кюлмез, кюлмеген – къууанчны билмез.
Ашхы атаны – джашы ашхы, ашхы ананы – къызы ашхы.
Келгинчи, къонакъ уялыр, келгенден сора, къонакъбай уялыр.
Суугъа – чабакъ, къаягъа – ыргъакъ.
Иги – алгъыш этер, аман – къаргъыш этер.
Бети бедерден, намыс сакълама.
Чабакъ башындан чирийди.
Таякъ этден ётер, тил сюекден ётер.
Къайтырыкъ эшигинги, къаты уруб чыкъма.
Сыфатында болмагъаны, суратында болмаз.
Танг атмайма десе да, кюн къоярыкъ тюйюлдю.
Тойгъанлыкъ къойгъа джарашады.
Адам къыйынлыгъын кёлтюрюр, зауукълугъун кёлтюрмез.
Билими азны – ауузунда кирит.
Ач бёрюге мекям джокъ.
Баргъанынга кёре болур келгенинг.
Къыйынлы джети элге оноу этер.
Ачыкъ джюрекге джол – ачыкъ.
Къралынгы – душмандан, башынгы от бла суудан сакъла.
Уллу айтханны этмеген – уллаймаз.
Иги адамны бир сёзю эки болмаз.
Къарт болгъан джерде, берекет болур, сабий болгъан джерде, оюн болур.
Ауузу аманнга «иги», деме.
Илму – джашауну джолу.
Ачыу алгъа келсе, акъыл артха къалады.
Тюзлюк тас болмайды.
Ёксюзню къалачы уллу кёрюнюр.
Кенгеш болса, уруш болмаз.
Таукел тауну аудурур.
Акъыллы – эл иеси, тели – эл баласы.
Эллинг бла джау болсанг да, юйюнг бла джау болма.
Адам къаллай бир ишленмесе, аллай бир кесин уллу кёреди.
Агъач халкъгъа алтынды, иссиликге салкъынды.
Биреуге аманлыкъны тилеме да, кесинге ашхылыкъны тиле.
Джогъун бар этген, барын бал этген.
Тил джюрекге джол ишлейди.
Сабийликде юретмесенг, уллу болса – тюзелмез.
Ойнаб айтсанг да, эслеб айт.
Ишленмеклик адамлыкъды.
Ашыкъгъан cуу, тенгизге джетмез.
Айыбны суу бла джууалмазса.
Ханнга да келеди хариблик.
Акъыл бла адеб эгизледиле.
Къар – келтирди, суу – элтди.
Адам боллукъ, атламындан белгили болур.
Айтылгъан буйрукъ, сёгюлмез
Бал ашаргъа сюе эсенг, чибин ургъаннга тёз.

Логин:
Пароль:
	Запомнить меня на этом компьютере

Забыли свой пароль?
Регистрация