- Тёрени джагъы джокъ.
- Тойгъан джерден туугъан джер игиди.
- Джигер – джаннга къыйынлыкъ.
- Аманны эки битли тону болур, бирин сеннге кийдирир, бирин кеси киер.
- Тёрде – темир таякълы, къаяда – чыпчыкъ аякълы.
- Бал – татлы, балдан да бала – татлы.
- «Ма», - дегенни билмесенг, «бер», - дегенни билмезсе.
- Къарыусузгъа кюлме, онгсузгъа тийме.
- Чабакъсыз кёлге къармакъ салгъанлыкъгъа, чабакъ тутмазса.
- Акъылсызны джууукъгъа алма, акъыллыны кенгнге салма.
- Чомартны къолу берекет.
- Суу да къайтады чыкъгъан джерине.
- Джюз элде джюз ёгюзюм болгъандан эсе, джюз джууугъум болсун.
- Окъумагъан сокъурду, сокъур ташха абыныр!
- Азыкълы ат арымаз, къатыны аман джарымаз.
- Джарлыны эшигин махтагъан джабар.
- Джаз бир кюнню джатсанг, къыш талай кюнню абынырса.
- Биреуню къыйынлыгъы бла кесинге джол ишлеме.
- Джашны джигитлиги сорулур, къызны джигерлиги сорулур.
- Шайтан алдады, тюзлюк къаргъады.
- Эр сокъур болсун, къатын тилсиз болсун.
- Бети – къучакълар, джюреги – бычакълар.
- Этни да ашады, бетни да ашады.
- Чомартха Тейри да борчлуду.
- Джолунга кёре – джюрюшюнг, джагъанга кёре – юлюшюнг.
- Кийим тукъум сордурур.
- Таукел адам тау тешер.
- Чыбыкълыкъда бюгюлмеген, къазыкълыкъда бюгюлмей эди.
- Къарнынг тойгъунчу аша да, белинг талгъынчы ишле.
- Баш болса, бёрк табылыр.
- Этни бети бла шорпасы.
- Мал тутхан – май джалар.
- Башсыз урчукъ тюзюне айланмаз.
- Къарт бла баш аша, джаш бла аякъ аша.
- Биреуню эскиси биреуге джангы болмайды.
- Сабий болмагъан джерде, мёлек болмаз.
- Тынгылагъан тынгы бузар.
- Чабар ат – джетген къыз.
- Эшекге миннген – биринчи айыб, андан джыгъылгъан – экинчи айыб.
- Дженгил джетерикме деб, узун джолну къоюб, къысхасын барма.
- Эл элде бирер малынг болгъандан эсе, бирер тенгинг болсун.
- Билмегенинги, билгеннге сор.
- Къыз чыгъаргъан – къызыл къымжа.
- Баргъанынга кёре болур келгенинг.
- Тюзню ётмеги тюзде къалса да, тас болмаз.
- Къонакъ хазыр болгъанлыкъгъа, къонакъбай хазыр тюлдю.
- Ёзденликни джайгъан – джокълукъ.
- Эртде тургъан джылкъычыны эркек аты тай табар.
- Джарлы джети элни сёзюн этер.
- Эринчекни эр алмаз, эр алса да, кёл салмаз, кёл салса да, кёб бармаз!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72