Эльбрусоид :: Форум :: Архив форумов

Хар адамгъа кеси миннген тау кибик.
Биреу къой излей, биреу той излей.
Байлыкъдан саулукъ ашхыды.
Татлы тилде – сёз ариу, чемер къолда – иш ариу.
Келинин тута билмеген, къул этер, къызын тута билмеген, тул этер.
Урунуу – насыбны анасы.
Босагъагъа джууукъ орун болса, ашыгъыб тёрге озма.
Къызын тута билмеген, тул этер, джашын тута билмеген, къул этер.
Орну джокъну – сыйы джокъ.
Кирсизни – саны таза, халалны – къаны таза.
Сабийликде юретмесенг, уллу болса – тюзелмез.
Ашаса, ашамаса да, бёрюню ауузу – къан.
Эл ауузу – элек, анга ийнаннган – халек.
Сибиртки да сыйлы болду, кюрек да кюнлю болду.
Аман адамны тепсинге олтуртсанг, къызынгы тилер.
Ариу – кёзге, акъыл – джюрекге.
Джюрекге ариу – кёзге да ариу.
Къонагъынгы артмагъын алма да, алгъышын ал.
Арпа, будай – ащды, алтын, кюмюш а – ташды.
Ач къалгъандан, кеч къалгъан къолай.
Тойчу джашха къарама, къойчу джашха къара.
Тил – кесген бычакъ, сёз – атылгъан окъ.
Терек ауса, отунчу – кёб.
Ачлыкъ отха секиртир.
Байлыкъ адамны сокъур этер.
Джыйырма къойну юч джыйырма эбзе кюте эди.
Кёлю джокъну – джолу джокъ.
Халкъны джырын джырласанг, халкъ санга эжиу этер.
Суу ичген шауданынга тюкюрме.
Хар ишни да аллы къыйынды.
Ханнга да келеди хариблик.
Джашда акъыл джокъ, къартда къарыу джокъ.
«Ма», - дегенни билмесенг, «бер», - дегенни билмезсе.
Ашда уялгъан – мухар, ишде уялгъан – хомух.
Бал – татлы, балдан да бала – татлы.
Ашхы тенг джолгъа салыр, аман тенг джолдан тайдырыр.
Чомартны къолу берекет.
Ач къарынны, токъ билмез
Къуллукъчума, деб махтанма, къуллукъ – хаух джамчыды!
Башы джабылгъан челекге, кир тюшмез.
Асхат ашлыкъ сата, юйдегиси ачдан къата.
Экеу тутушса, биреу джыгъылыр.
Къолу уллу – асыу, аягъы уллу – джарсыу.
Ёксюзню тилеги къабыл болур.
Айтханы чапыракъдан ётмеген.
Чабакъгъа акъыл, табагъа тюшсе келеди.
Башсыз урчукъ тюзюне айланмаз.
Къыз чыгъаргъан – къызыл къымжа.
Тюзлюк тас болмайды.
Алма терегинден кери кетмез.

Логин:
Пароль:
	Запомнить меня на этом компьютере

Забыли свой пароль?
Регистрация