- Тенгинг джокъ эсе – изле, бар эсе – сакъла!
- Уллу сёзде уят джокъ.
- Ачлыкъ отха секиртир.
- Хар сёзню орну барды.
- Кёл – къызбай, къол – батыр.
- Босагъагъа джууукъ орун болса, ашыгъыб тёрге озма.
- Айтхан сёзюне табылгъан.
- Чыкълы кюнде чыкъмагъан, чыкъса къуру кирмеген.
- Шайтан алдады, тюзлюк къаргъады.
- Джашынгы кесинг юретмесенг, джашау юретир.
- Юйюнгден чыкъдынг – кюнюнгден чыкъдынг.
- Джашда акъыл джокъ, къартда къарыу джокъ.
- Къанны къан бла джуума, аманны аман бла къуума.
- Къонакъ хазыр болгъанлыкъгъа, къонакъбай хазыр тюлдю.
- Тенги кёбню джау алмаз, акъылы кёбню дау алмаз.
- Садакъачыны джаны – къапчыгъында.
- Айран тёгюлсе, джугъусу къалыр.
- Биреуню эскиси биреуге джангы болмайды.
- Джумушакъ сёз къаты таякъны сындырыр.
- Шапа кёб болса, аш татымсыз болур.
- Тилчи тилден къаныкъмаз.
- Арба аугъандан сора, джол кёргюзтюучю кёб болур.
- Ашаса, ашамаса да, бёрюню ауузу – къан.
- Адебни адебсизден юрен.
- Кёпюр салгъан кеси ётер, уру къазгъан кеси кетер.
- Ат да турмайды бир териде.
- Аш берме да, къаш бер.
- Акъыл аздырмаз, билим тоздурмаз.
- Джарлы тюеге минсе да, ит къабар.
- Бозанг болмагъан джерге, къалагъынгы сукъма.
- Арыгъан къош чамчы болур.
- Гитче джилтин уллу элни джандырыр.
- Мал кёб болса, джууукъ кёб болур.
- Джан саулукъ бермей, сан саулукъ бермезсе.
- Джаш болсун, къыз болсун, акъылы, саны тюз болсун.
- Сёлеш деб шай берген, тохта деб, сом берген.
- Айранын берсенг, челегин да къызгъанма.
- Ариу джол аджал келтирмез.
- Чарсда алчыны эл кёреди.
- Айран ичген – къутулду, джугъусун джалагъан – тутулду.
- Зар адамны насыбы болмаз.
- Тамбла алтындан бюгюн багъыр ашхы.
- Юйлю уругъа ит чабмаз.
- Джюрек кёзден алгъа кёрюр.
- Сёз – кюмюш, джыр – алтын.
- Ёлген ийнек сютлю болур.
- Къартны сыйын кёрмеген, къартлыгъында сыйлы болмаз.
- Хаухну атма, ёнгкючню сатма.
- Ариу сёзде ауруу джокъ.
- Ханы къызы буюгъа-буюгъа киштик болду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72