- Таула не мийик болсала да, аууш табылыр.
- Эринчекге кюн узун.
- Суугъа – таянма, джаугъа – ийнанма.
- Тилчиден кери бол.
- Джашда акъыл джокъ, къартда къарыу джокъ.
- Аманны эки битли тону болур, бирин сеннге кийдирир, бирин кеси киер.
- Мухардан ач ычхынмаз.
- Аджалсыз ёлюм болмаз.
- Байлыкъ адамны сокъур этер.
- Кимни – тили, тиши онглу, кимни – къолу, иши онглу.
- Къумурсхала джыйылсала, пилни да джыгъадыла.
- Эркишиге тары кебек танг кёрюнюр.
- Ышармагъан – кюлмез, кюлмеген – къууанчны билмез.
- Адеб этмеген, адеб кёрмез.
- Хантына кёре тузу, юйюне кёре къызы.
- Суу ичген шауданынга тюкюрме.
- «Ма», - дегенни билмесенг, «бер», - дегенни билмезсе.
- Къызны минг тилер, бир алыр.
- Тиширыусуз юй – отсуз от джагъа.
- Насыблы элин сюер, насыбсыз кесин сюер.
- Ачыкъ джюрекге джол – ачыкъ.
- Тенгни тенглиги джашай барсанг билинир.
- Кечеси – аяз, кюню – къыш, джарлы къаргъагъа бир аш тюш!
- Ёксюзню тилеги къабыл болур.
- Келгинчи, къонакъ уялыр, келгенден сора, къонакъбай уялыр.
- Къулакъдан эсе, кёзге ышан.
- Хар адамгъа кеси миннген тау кибик.
- Сабыр джетер муратха, сабырсыз къалыр уятха.
- Сормай – алма, чакъырылмай – барма.
- Келинин тута билмеген, къул этер, къызын тута билмеген, тул этер.
- Джыгъылгъанны сырты джерден тоймаз.
- Намыс болмагъан джерде, насыб болмаз.
- Аманнга игилик этсенг, юйюнге сау бармазса.
- Ариу сёзде ауруу джокъ.
- Ёксюзню къалачы уллу кёрюнюр.
- Къолунгдан къуймакъ ашатсанг да, атаны борчундан къутулмазса.
- Кийимни бир кюнню аясанг, минг кюннге джарар.
- Иги – алгъыш этер, аман – къаргъыш этер.
- Ётюрюкчюню шагъаты – къатында.
- Къарнынг ауруса, ауузунгу тый
- Харам къарнашдан, халал тенг ашхы.
- Къартха ушагъан джаш – акъыллы, джашха ушагъан къарт – тели.
- Игиге айтсанг – билир, аманнга айтсанг – кюлюр.
- Къатыны харакетли болса, эри къымсыз болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Тил – кесген бычакъ, сёз – атылгъан окъ.
- Джангызны оту джарыкъ джанмаз!
- Игилик игилик бла сингдирилиучю затды.
- Халкъны юйю – туугъан джери.
- Чабакъгъа акъыл, табагъа тюшсе келеди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72