- Кенгеш болса, уруш болмаз.
- Къазанда болса, чолпугъа чыгъар.
- Мадар болса, къадар болур.
- Адам къыйынлыгъын кёлтюрюр, зауукълугъун кёлтюрмез.
- Уллу къазанда бишген эт, чий къалмаз.
- Аман адам элни бир-бирине джау этер.
- Акъыл бла адеб эгизледиле.
- Къонакъны къачан кетерин сорма, къачан келлигин сор.
- Айраннга суу къош, телиге джол бош.
- Берекет берсин деген джерде, берекет болур.
- Сакъламагъан затынга джолукъсанг, не бек къууанаса, не бек ачыйса.
- Сангырау къулакъ эл бузар.
- Алгъанда – джууукъ, бергенде – джау.
- Игиге айтсанг – билир, аманнга айтсанг – кюлюр.
- Дуния аламаты сен эсенг да, игиме деб айтма.
- Арбаз къынгырды да, ийнек сауалмайма.
- Биреуге кёлтюрген таягъынг, кесинги башынга урур.
- Билимсиз иш бармаз.
- Келинин тута билмеген, къул этер, къызын тута билмеген, тул этер.
- Джиби бир къат джетмей эди да, эки къат тарта эди.
- Дууулдаса – бал чибин, къонса – къара чибин.
- Ётюрюк хапар аякъ тюбю бла джюрюйдю.
- Ойнай-ойнай кёз чыгъар.
- Кютгени беш эчки, сызгъыргъаны уа, джерни джарады.
- Адамны джюреги нени кёрюрге сюйсе, кёзю да аны кёрюрге ёч болады.
- Тёрени джагъы джокъ.
- Хансыз джомакъ болмаз.
- Адеб базарда сатылмаз.
- Чакъырылмагъан джерге барма, чакъырылгъан джерден къалма.
- Ким бла джюрюсенг, аны кёзю бла кёрюнюрсе.
- Байма, деб да, къууанма, джарлыма, деб да, джылама.
- Терек ауса, отунчу – кёб.
- Рысхы – сют юсюнде кёмюк кибикди.
- Ханнга да келеди хариблик.
- Къонакъ хазыр болгъанлыкъгъа, къонакъбай хазыр тюлдю.
- Сёз – кюмюш, джыр – алтын.
- Алма терегинден кери кетмез.
- Хантына кёре тузу, юйюне кёре къызы.
- Тас болгъан бычакъны сабы – алтын.
- Тулпарлыкъ, билекден тюл – джюрекден.
- Ётюрюкчюню шагъаты – къатында.
- Окъуусуз билим – джокъ, билимсиз кюнюнг – джокъ.
- Ёлюр джаннга, ёкюл джокъ.
- Бастасын ашагъан, хантусун да ичер.
- Окъуу – билимни ачхычы, окъуу – дунияны бачхычы.
- Ишлерге уял да, ашаргъа табма.
- Адам боллукъ, атламындан белгили болур.
- Термилгенинги табмазса, кюлгенинге тюберсе.
- Окъугъан – асыу, окъумагъан – джарсыу.
- Халкъны юйю – туугъан джери.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72