Эльбрусоид :: Форум :: Архив форумов

Тил джюрекге джол ишлейди.
Суу да къайтады чыкъгъан джерине.
Мухарны эси – ашарыкъда.
Хата – гитчеден.
Ушамагъан – джукъмаз.
Ата Джуртун танымагъан, атасын да танымаз.
Садакъачыны джаны – къапчыгъында.
Ачлыкъда тары гырджын халыуадан татлы.
Къартны бурнун сюрт да, оноугъа тут.
Дуния аламаты сен эсенг да, игиме деб айтма.
Атлыны ашхысы, ат тизгининден билинир
Ашыкъгъан cуу, тенгизге джетмез.
Келинин тута билмеген, къул этер, къызын тута билмеген, тул этер.
Джырына кёре эжиую.
Экеу тутушса, биреу джыгъылыр.
Тюзлюк тас болмайды.
Ишлерге уял да, ашаргъа табма.
Адамны аты башхача, акъылы да башхады.
Къонакъны къачан кетерин сорма, къачан келлигин сор.
Ёлген эшек бёрюден къоркъмайды.
Юй ишлеген балта эшикде къалыр.
Абынмазлыкъ аякъ джокъ, джангылмазлыкъ джаякъ джокъ.
Телини эшигин, махтау джабар.
Эл тойса, тоймагъан, эл къойса, къоймагъан.
Азыкъ аз болса, эртде орун сал.
Кийиминг бла танылма, адамлыкъ бла таныл.
Адам сёзге тынгыла, акъыл сёзню ангыла.
Кечеси – аяз, кюню – къыш, джарлы къаргъагъа бир аш тюш!
Ашхы сёз таш тешер.
Джерни букъусу кёкге къонмаз.
Джумушакъ сёз къаты таякъны сындырыр.
Иги сеники эсе да, сюйген кесимикин этеме.
Сёз – кюмюш, джыр – алтын.
Шайтан алдады, тюзлюк къаргъады.
Ауругъаннга – кийик саулукъ, джетген къызгъа – чилле джаулукъ.
Кимни – тили, тиши онглу, кимни – къолу, иши онглу.
Ойнай-ойнай кёз чыгъар.
Чакъырылмай келген къонакъ сыйланмай кетер.
Кёбню кёрген – кёб билир.
Уллу айтханны этмеген – уллаймаз.
Мал тутхан – май джалар.
Тили узунну, намысы – къысха.
Адеб этмеген, адеб кёрмез.
Булут кёкге джарашыу, уят бетге джарашыу.
Къызны минг тилер, бир алыр.
Джюрек кёзден алгъа кёрюр.
Джумушакъ терекни къурт ашар.
Тойгъа алгъа да барма, тойда артха да къалма.
Билими азны – ауузунда кирит.
Тенгни тенглиги джашай барсанг билинир.

Логин:
Пароль:
	Запомнить меня на этом компьютере

Забыли свой пароль?
Регистрация