- Джылкъыдан – ат чыгъар, тукъумдан – джаш чыгъар.
- Ачылгъан эт джабылыр, кёрген кёз унутмаз.
- Чакъырылмагъан къонакъ тёрге атламаз.
- Дуния мал дунияда къалады.
- Чабакъгъа акъыл, табагъа тюшсе келеди.
- Эр сокъур болсун, къатын тилсиз болсун.
- Сибиртки да сыйлы болду, кюрек да кюнлю болду.
- Къарт айтханны этмеген, къартаймаз.
- Ач келгенни – тойдур, кеч келгенни – къондур.
- Кесине оноу эте билмеген, халкъына да эте билмез.
- Кёз – сюйген джерде, къол – ауругъан джерде.
- Ёзденликни джайгъан – джокълукъ.
- Ауругъан – джашаудан умутчу.
- Ашына кёре табагъы, балына кёре къалагъы.
- Арба аугъандан сора, джол кёргюзтюучю кёб болур.
- Тойгъандан сора, ашны сёкме.
- Кийим тукъум сордурур.
- Рысхысына кёре, джаш ёсер, къышлыгъына кёре, мал ёсер.
- Ишленмеген джаш – джюгенсиз ат, ишленмеген къыз – тузсуз хант.
- Джаралыны джастыгъында сау ёлюр.
- Къайгъыны сюйген, къайгъы табар.
- Аз сёлешген, къайгъысыз турур.
- Миллетни бойну – базыкъ, аны бла кюрешген – джазыкъ.
- Къуллукъчума, деб махтанма, къуллукъ – хаух джамчыды!
- Халкъны юйю – туугъан джери.
- Джыгъылгъанны сырты джерден тоймаз.
- Адеби болмагъан къыз – тузсуз хант.
- Биреу ашаб къутулур, биреу джалаб тутулур.
- Тиширыусуз юй – отсуз от джагъа.
- Окъ къызбайны джокълайды.
- Ишни ахырын ойламай, аллын башлама.
- Азыкълы ат арымаз, къатыны аман джарымаз.
- Шайтан алдады, тюзлюк къаргъады.
- Ёгюзню мюйюзюнден тутадыла, адамны сёзюнден тутадыла.
- Эте билген, этген этеди, эте билмеген, юретген этеди!
- Джарлыны эшигин махтагъан джабар.
- Намыс болмагъан джерде, насыб болмаз.
- Ариуну – ауруу кёб.
- Ата джурт – алтын бешик.
- Ашатыргъа иш – ашхы, ишлетирге аш – ашхы.
- Агъач халкъгъа алтынды, иссиликге салкъынды.
- Адамны аты башхача, акъылы да башхады.
- Эрни эр этерик да, къара джер этерик да, тиширыуду.
- Тёрени джагъы джокъ.
- Татлы сёз – балдан татлы.
- Садакъачыны джаны – къапчыгъында.
- Ата – билек, ана – джюрек!
- Джиби бир къат джетмей эди да, эки къат тарта эди.
- Алма терегинден кери кетмез.
- Чабар ат – джетген къыз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72