- Аш иеси бла татлыды.
- Ашхы адам – халкъ байлыгъы, ашхы джер – джашау байлыгъы.
- Булут кёкге джарашыу, уят бетге джарашыу.
- Баргъанынга кёре болур келгенинг.
- Ханнга да келеди хариблик.
- Къууут – джелге, берне – бошха.
- Акъдан къара болмаз.
- Чомартны къолун джокълукъ байлар.
- Къызгъанчдан ычхыныр, мухардан ычхынмаз.
- Ата Джуртча джер болмаз, туугъан элча эл болмаз.
- Кенгеш болса, уруш болмаз.
- Сакъ юйюне сау барыр.
- Джан саулукъ бермей, сан саулукъ бермезсе.
- Ауругъан – джашаудан умутчу.
- Тюкюрюк баш джармаз, налат кёз чыгъармаз!
- Окъугъан – асыу, окъумагъан – джарсыу.
- Ана кёлю – балада, бала кёлю – талада.
- Тил джюрекге джол ишлейди.
- Юре билмеген ит, къонакъ келтирир.
- Аманны тукъумуна къарама, игини тукъумун сорма.
- Эм ашхы къайын ана мамукъ бла башынгы тешер.
- Къыз чыгъаргъан – къызыл къымжа.
- Кёбге таш атма.
- Тойгъан джерге джети къайт.
- Мухардан ач ычхынмаз.
- Суу ичген шауданынга тюкюрме.
- Адамны артындан къара сабан сюрме.
- Сёз садакъдан кючлюдю.
- Хар ишни да аллы къыйынды.
- Кесине гебен этелмеген, биреуге черен эте эди.
- Эл бла кёргенинг эрелей.
- Чыкълы кюнде чыкъмагъан, чыкъса къуру кирмеген.
- Акъыл сабырлыкъ берир.
- Адамны аманы адамны бети бла ойнар.
- Окъуусуз билим – джокъ, билимсиз кюнюнг – джокъ.
- Аякъларынгы джууургъанынга кёре узат.
- Хар сёзню орну барды.
- Джогъун бар этген, барын бал этген.
- Аман къатын алгъан, арыр, иги къатын алгъан джарыр.
- Хар зат кесини орнуна иги.
- Адамны аты башхача, акъылы да башхады.
- Хоншуну тауугъу къаз кёрюнюр, келини къыз кёрюнюр.
- Эркишини аманы тиширыуну джылатыр.
- Суугъа – чабакъ, къаягъа – ыргъакъ.
- Тилде сюек болмаса да, сюек сындырыр.
- Адамны адамлыгъы къыйынлыкъда айгъакъланады.
- Ач, тоймам, дейди, тойгъан, ач болмам, дейди.
- Юреннген ауруу къалмаз.
- Тойгъандан сора, ашны сёкме.
- Тойгъа барсанг, тоюб бар, эски тонунгу къоюб бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72