- Ёлген аслан – сау чычхан.
- Окъумагъан сокъурду, сокъур ташха абыныр!
- Мадар болса, къадар болур.
- Къуру гыбыт бек дыгъырдар.
- Къолунгдан къуймакъ ашатсанг да, атаны борчундан къутулмазса.
- Азыкъ аз болса, эртде орун сал.
- Элге къуллукъ этмеген, элге ие болмаз.
- Ариу сёз – къылычдан джити.
- Ачлыкъда тары гырджын халыуадан татлы.
- Тюзлюк тас болмайды.
- Къартны бурнун сюрт да, оноугъа тут.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Байны оноуу, джарлыгъа джарамаз.
- Таула не мийик болсала да, аууш табылыр.
- Битмегеннге сакъал – танг.
- Кюн кёрмеген, кюн кёрсе, кюндюз чыракъ джандырыр.
- Джаз бир кюнню джатсанг, къыш талай кюнню абынырса.
- «Ёгюз, джаргъа джууукъ барма, меннге джюк боллукъса», - дегенди эшек.
- Уруну арты – къуру.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кёзден кетген, кёлден да кетеди.
- Суугъа – чабакъ, къаягъа – ыргъакъ.
- Керти сёзге тёре джокъ.
- Ачылгъан эт джабылыр, кёрген кёз унутмаз.
- Чабар ат – джетген къыз.
- Ач отунчуну ачыуу – бурнунда.
- Ойнай билмеген, уруб къачар.
- Рысхы джалгъанды: келген да этер, кетген да этер.
- Окъугъанны бети джарыкъ.
- Тамырсыз терекге таянма – джыгъылырса.
- Чомарт къонакъ юй иесин сыйлар.
- Термилгенинги табмазса, кюлгенинге тюберсе.
- Сыфатында болмагъаны, суратында болмаз.
- Акъдан къара болмаз.
- Къазанны башы ачыкъ болса, итге уят керекди.
- Сагъышы джокъ – джукъучу, акъылы джокъ – къаугъачы.
- Ханнга да келеди хариблик.
- Бичгенде ашыкъма, тикгенде ашыкъ.
- Ариу сёз – джаннга азыкъ, аман сёз – башха къазыкъ.
- Таукел адам тау тешер.
- Мени джылытмагъан кюн, меннге тиймесин!
- Аман адам этегингден тутса, кес да къач.
- Ачны эсинде – аш.
- Гугурук къычырмаса да, тангны атары къалмаз.
- Эм уллу байлыкъ – джан саулукъ.
- Суу кетер, таш къалыр.
- Юй кюйдю да, кюйюз чыкъды, ортасындан тюйюш чыкъды.
- Айтылгъан сёз ызына къайтмаз.
- Чомартха Тейри да борчлуду.
- Сабийни джумушха джибер да, ызындан бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72