- Къулакъдан эсе, кёзге ышан.
- Рысхы джалгъанды: келген да этер, кетген да этер.
- Байдан умут эте, джарлыдан ёгюз багъасы къорады.
- Аджашханны ызындагъы кёреди, джангылгъанны джанындагъы биледи.
- Тойгъан джерден туугъан джер игиди.
- Уллу айтханны этмеген – уллаймаз.
- Дуния мал дунияда къалады.
- Элни кючю – эмеген.
- Агъач халкъгъа алтынды, иссиликге салкъынды.
- Суу да къайтады чыкъгъан джерине.
- Арбаз сайлама да, хоншу сайла.
- Сёз сёзню айтдырыр.
- Аллахха ийнаннган кишини, Аллах онгдурур ишин.
- Абынмазлыкъ аякъ джокъ, джангылмазлыкъ джаякъ джокъ.
- Мухардан ач ычхынмаз.
- Киштикге къанат битсе, чыпчыкъ къалмаз эди.
- Айтылгъан сёз ызына къайтмаз.
- Хоншуну тауугъу къаз кёрюнюр, келини къыз кёрюнюр.
- Ариу сёз – джаннга азыкъ, аман сёз – башха къазыкъ.
- Акъыллы – эл иеси, тели – эл баласы.
- Кёб джашагъан – кёб билир.
- Джашны джигитлиги сорулур, къызны джигерлиги сорулур.
- Ёзденликни кёбю ётюрюк.
- Ашына кёре табагъы, балына кёре къалагъы.
- Ишлегенден, къарагъан уста.
- Атадан ёксюз – бир ёксюз, анадан ёксюз – эки ёксюз.
- Ачыкъ джюрекге джол – ачыкъ.
- Халкъны юйю – туугъан джери.
- Оюмсуз атлагъан, аджалсыз ёлюр.
- Къан бла кирген, джан бла чыгъар.
- Ётюрюкден тюбю джокъ, кёлтюрюрге джиби джокъ.
- Эртде тургъан бла эртде юйленнген сокъуранмаз.
- Къарт бла баш аша, джаш бла аякъ аша.
- Ашлыкъ – бюртюкден, джюн – тюкден.
- Къралынгы – душмандан, башынгы от бла суудан сакъла.
- Алгъанда – джууукъ, бергенде – джау.
- Адам сёзюнден белгили.
- Билген билмегенни юретген адетди.
- Тёрдеги кюлсе, эшикдеги ышарыр.
- Биреуню къыйынлыгъы бла кесинге джол ишлеме.
- Телини эшигин, махтау джабар.
- Чыкълы кюнде чыкъмагъан, чыкъса къуру кирмеген.
- Тин – байлыгъынг, терен саулугъунг.
- Сормай – алма, чакъырылмай – барма.
- Ойнаб айтсанг да, эслеб айт.
- Адамны джюреги нени кёрюрге сюйсе, кёзю да аны кёрюрге ёч болады.
- Кёл – къызбай, къол – батыр.
- Этни бети бла шорпасы.
- Джол бла сёзню къыйыры джокъ.
- Гугурук къычырмаса да, тангны атары къалмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72