- Иги сеники эсе да, сюйген кесимикин этеме.
- Кюлме джашха – келир башха.
- Билгенни къолу къарны джандырыр.
- Хансыз джомакъ болмаз.
- Юй кюйдю да, кюйюз чыкъды, ортасындан тюйюш чыкъды.
- Айтханы чапыракъдан ётмеген.
- Чомарт джарлы болмаз.
- Таукел къуру къалмаз.
- Билимден уллу байлыкъ джокъду.
- Аман къатын сабий табса, бий болур…
- Адам къаллай бир ишленмесе, аллай бир кесин уллу кёреди.
- Рысхысына кёре, джаш ёсер, къышлыгъына кёре, мал ёсер.
- Ойнай билмеген, оюн бузар.
- Аманны эки битли тону болур, бирин сеннге кийдирир, бирин кеси киер.
- Хар сёзню орну барды.
- Къыйынлы джети элни къайгъысын этер.
- Аджаллыгъа окъсуз шкок атылыр.
- Къулакъдан эсе, кёзге ышан.
- Къозулугъунда тоймагъан, къойлугъунда тоймаз.
- Аджашхан тёгерек айланыр.
- Малны кют, джерни тюрт.
- Ётюрюкню къуйругъу – бир тутум.
- Ачны эсинде – аш.
- Къазанны башы ачыкъ болса, итге уят керекди.
- Ётюрюк хапар аякъ тюбю бла джюрюйдю.
- Экеу тутушса, биреу джыгъылыр.
- Намысы джокъну – дуниясы джокъ.
- Кёзден кетген, кёлден да кетеди.
- Ачылгъан эт джабылыр, кёрген кёз унутмаз.
- Элиб деген, элге болушур.
- Къан бла кирген, джан бла чыгъар.
- Адебсиз адам – джюгенсиз ат.
- Къартны сыйын кёрмеген, къартлыгъында сыйлы болмаз.
- Ёпкелегенни ашы татлы болады.
- Арпа, будай – ащды, алтын, кюмюш а – ташды.
- Ашына кёре табагъы, балына кёре къалагъы.
- Адамны бетине къарама, адетине къара.
- Ашда уялгъан – мухар, ишде уялгъан – хомух.
- Аш иеси бла татлыды.
- Эри аманны, къатыны – аман.
- Къартха ушагъан джаш – акъыллы, джашха ушагъан къарт – тели.
- Тыш элде солтан болгъандан эсе, кесинги элде олтан болгъан игиди!
- Рысхы – насыбха къор.
- Тёрени джагъы джокъ.
- Ач бёрюге мекям джокъ.
- Адамны аманы адамны бети бла ойнар.
- Уруну арты – къуру.
- Адеб джокъда, намыс джокъ.
- Къартны бурнун сюрт да, оноугъа тут.
- Уллу сёлешме да, уллу къаб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72