- Къралынгы – душмандан, башынгы от бла суудан сакъла.
- Къуллукъчума, деб махтанма, къуллукъ – хаух джамчыды!
- Ишни аллы бла къууанма да, арты бла къууан.
- Кечеси – аяз, кюню – къыш, джарлы къаргъагъа бир аш тюш!
- Бал чибинни ургъаны – ачы, балы – татлы.
- Байлыкъдан саулукъ ашхыды.
- Эртде тургъан джылкъычыны эркек аты тай табар.
- Къолунгдан къуймакъ ашатсанг да, атаны борчундан къутулмазса.
- Арбаз къынгырды да, ийнек сауалмайма.
- Аш берме да, къаш бер.
- Битмегеннге сакъал – танг.
- Чарсда алчыны эл кёреди.
- Къая джолда джортма, ачыкъ сёзден къоркъма.
- Ётюрюкню къуйругъу – бир тутум.
- Эркиши – от, тиширыу – суу.
- Алим болгъандан эсе, адам болгъан къыйынды.
- Адам боллукъ, атламындан белгили болур.
- Джаханимни кёрмей, джандетге кёл салмазса.
- Тай асырагъан, атха минер.
- Кийимни бичсенг, кенг бич, тар этген къыйын тюлдю.
- Джарлыны эшигин махтагъан джабар.
- Аджашханны ызындагъы кёреди, джангылгъанны джанындагъы биледи.
- Къарны аманнга къазан такъдырма, къолу аманнга от джакъдырма.
- Ханнга да келеди хариблик.
- Халкъгъа джарагъан, джарлы къалмаз.
- Тюзню ётмеги тюзде къалса да, тас болмаз.
- Ашаса, ашамаса да, бёрюню ауузу – къан.
- Окъ къызбайны джокълайды.
- Байлыкъ келсе, акъыл кетер.
- Терслик кетер, тюзлюк джетер.
- Шапа кёб болса, аш татымсыз болур.
- Чыкълы кюнде чыкъмагъан, чыкъса къуру кирмеген.
- Ёлген эшек бёрюден къоркъмайды.
- Ачлыкъда тары гырджын халыуадан татлы.
- Къыз чыгъаргъан – къызыл къымжа.
- Башда акъыл болмаса, эки аякъгъа кюч джетер.
- Джырына кёре эжиую.
- Аууздан келген, къолдан келсе, ким да патчах болур эди.
- Кимни – тили, тиши онглу, кимни – къолу, иши онглу.
- Мухардан ач ычхынмаз.
- Тёрени джагъы джокъ.
- Суу ичген шауданынга тюкюрме.
- Кийиминг бла танылма, адамлыкъ бла таныл.
- Къонакъ кёб келюучю юйню, къазаны отдан тюшмез.
- Аллахха ийнаннган кишини, Аллах онгдурур ишин.
- Тилсиз миллет джокъ болур.
- Алтыда кюлмеген, алтмышда кюлмез.
- Биреуге аманлыкъны тилеме да, кесинге ашхылыкъны тиле.
- Къуру гыбыт бек дыгъырдар.
- Дуния мал дунияда къалады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72