Эльбрусоид :: Форум :: Архив форумов

Кийимни бичсенг, кенг бич, тар этген къыйын тюлдю.
Татлы сёз – балдан татлы.
Уллу сёлешме да, уллу къаб.
Орундукъ тюбюнде атылсам да, орта джиликме, де да айлан.
Сакъламагъан затынга джолукъсанг, не бек къууанаса, не бек ачыйса.
Ана – юйню кюн джарыгъы.
Узун джолну барсанг, бюгюн келирсе, къысха джолну барсанг, тамбла келирсе.
Билимсиз иш бармаз.
Башы джабылгъан челекге, кир тюшмез.
Аман къатын алгъан, арыр, иги къатын алгъан джарыр.
Тюзню ётмеги тюзде къалса да, тас болмаз.
Таукелге нюр джауар.
Ушамагъан – джукъмаз.
Тойгъандан сора, ашны сёкме.
Иги адамны бир сёзю эки болмаз.
Къонагъы джокъну – шоху джокъ.
Ашына кёре табагъы, балына кёре къалагъы.
Тюзлюк тас болмайды.
Тиширыусуз юй – отсуз от джагъа.
Чабакъгъа акъыл, табагъа тюшсе келеди.
Элге къуллукъ этмеген, элге ие болмаз.
Тилсиз миллет джокъ болур.
Билим – акъылны чырагъы.
Суу да къайтады чыкъгъан джерине.
Акъыл неден да кючлюдю.
Къартха ушагъан джаш – акъыллы, джашха ушагъан къарт – тели.
Атынг аманнга чыкъгъандан эсе, джанынг тамагъынгдан чыкъсын.
Булут кёкге джарашыу, уят бетге джарашыу.
Акъыл аздырмаз, билим тоздурмаз.
Байны оноуу, джарлыгъа джарамаз.
Асхат ашлыкъ сата, юйдегиси ачдан къата.
Атлыны ашхысы, ат тизгининден билинир
Хата – гитчеден.
Аууз сакълагъан – джан сакълар.
Иги сеники эсе да, сюйген кесимикин этеме.
Тыш элде солтан болгъандан эсе, кесинги элде олтан болгъан игиди!
Зар адамны насыбы болмаз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Уллу атлама – абынырса, уллу къабма – къарылырса.
Уллу суу бла уллу ауруудан башынгы сакъла.
Джол бла сёзню къыйыры джокъ.
Адеб этмеген, адеб кёрмез.
Кийиминг бла танылма, адамлыкъ бла таныл.
Адам боллукъ, атламындан белгили болур.
Тик ёргени, тик энгишгеси да болады.
Аш берме да, къаш бер.
Тели турса – той бузар.
Чыкълы кюнде чыкъмагъан, чыкъса къуру кирмеген.
Кёпюр салгъан кеси ётер, уру къазгъан кеси кетер.
Чомарт къонакъ юй иесин сыйлар.

Логин:
Пароль:
	Запомнить меня на этом компьютере

Забыли свой пароль?
Регистрация