- Ашха уста, юйюнде болсун
- Биреуню тёрюнден, кесинги эшик артынг игиди.
- Бойнуму джети джерден кессенг да, мен ол ишни этеллик тюлме.
- Акъыллы – эл иеси, тели – эл баласы.
- Босагъагъа джууукъ орун болса, ашыгъыб тёрге озма.
- Кёбню кёрген – кёб билир.
- Къарны аманнга къазан такъдырма, къолу аманнга от джакъдырма.
- Башсыз урчукъ тюзюне айланмаз.
- Тёзген – тёш ашар!
- Булут кёкге джарашыу, уят бетге джарашыу.
- Иши джокъну, сыйы джокъ.
- Кийимни бир кюнню аясанг, минг кюннге джарар.
- Тил – миллетни джаны.
- Чакъырылмагъан джерге барма, чакъырылгъан джерден къалма.
- Тойгъан джерге джети къайт.
- Рысхы – насыбха къор.
- Зар адамны насыбы болмаз.
- Ана къойну – балагъа джандет.
- Бюгюн дуния кибик, тамбла ахыратды.
- Тыш элде солтан болгъандан эсе, кесинги элде олтан болгъан игиди!
- Мухарны эси – ашарыкъда.
- Сабийликде юретмесенг, уллу болса – тюзелмез.
- Джырчы джырчыгъа – къарнаш.
- Джолда аягъынга сакъ бол, ушакъда тилинге сакъ бол.
- Ариу – кёзге, акъыл – джюрекге.
- Айран ичген – къутулду, джугъусун джалагъан – тутулду.
- Гугурук къычырмаса да, тангны атары къалмаз.
- Битмегеннге сакъал – танг.
- Аллахха ийнаннган кишини, Аллах онгдурур ишин.
- Джаным-тиним – окъуу, билим.
- Ойнаб айтсанг да, эслеб айт.
- Аджалсыз ёлюм болмаз.
- Биреу къой излей, биреу той излей.
- Кюн – узун, ёмюр – къысха.
- Тай асырагъан, атха минер.
- Окъдан джара эртде-кеч болса да бителир, сёз джара, ёмюрге къалыр.
- Къызбайны юйюне дери сюрсенг, батыр болур.
- Биреуге аманлыкъ этиб, кесинге игилик табмазса.
- Чалманны аллы къалай башланса, арты да алай барады.
- Билмейме деген – бир сёз
- Хар ишни да аллы къыйынды.
- Ёмюрлюк шохлукъну джел элтмез.
- Ашхылыкъ джерде джатмайды, аманлыкъ суугъа батмайды.
- Айтхан – тынч, этген – къыйын.
- Аджашханны ызындагъы кёреди, джангылгъанны джанындагъы биледи.
- Аш хазыр болса, иш харам болур.
- Элиб деген, элге болушур.
- Насыблы элин сюер, насыбсыз кесин сюер.
- Элге къуллукъ этмеген, элге ие болмаз.
- Тамырсыз терекге таянма – джыгъылырса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72