- Баргъанынга кёре болур келгенинг.
- Тамчы таш тешер.
- Кюл тюбюндеги от кёрюнмейди.
- Билеги кючлю, бирни джыгъар, билими кючлю, мингни джыгъар.
- Аджаллыгъа окъсуз шкок атылыр.
- Эл ауузу – элек, анга ийнаннган – халек.
- Сютден ауузу кюйген, суугъа юфгюре эди.
- Суу да къайтады чыкъгъан джерине.
- Олтуруб кёрюнмей эди да, ёрге туруб кёрюне эди.
- Ашыкъгъан cуу, тенгизге джетмез.
- Тыш элде солтан болгъандан эсе, кесинги элде олтан болгъан игиди!
- Тил – миллетни джаны.
- Ауурну тюбю бла, дженгилни башы бла джюрюген.
- Къартны бурнун сюрт да, оноугъа тут.
- Ашхы тенг джолгъа салыр, аман тенг джолдан тайдырыр.
- От этилмеген джерден тютюн чыкъмайды.
- Тёзгеннге, джабылгъан эшик ачылыр.
- Ачлыкъда тары гырджын халыуадан татлы.
- Тас болгъан бычакъны сабы – алтын.
- Элни кючю – эмеген.
- Иги сёз – джаннга азыкъ, аман сёз башха – къазыкъ.
- Бети – къучакълар, джюреги – бычакълар.
- Юйюнгден чыкъдынг – кюнюнгден чыкъдынг.
- Хар зат кесини орнуна иги.
- Кёбню кёрген – кёб билир.
- Азыгъы аз, алгъа къабар, аты аман, алгъа чабар.
- Дуния малгъа сатылма, кесингден телиге къатылма.
- Айтхан сёзюне табылгъан.
- Гугурук къычырмаса да, тангны атары къалмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Ариу сёз аурууунгу алыр.
- Тойгъанлыкъ къойгъа джарашады.
- Акъыл неден да кючлюдю.
- Соргъан айыб тюлдю, билмеген айыбды.
- Чомарт джарлы болмаз.
- Танг атмайма десе да, кюн къоярыкъ тюйюлдю.
- Джауумдан сора, кюн кюйдюрюр, ётюрюкден сора, айыб кюйдюрюр.
- Таукел къуру къалмаз.
- Сакъламагъан затынга джолукъсанг, не бек къууанаса, не бек ачыйса.
- Аманнга алтын чыдамаз.
- Сабыр джетер муратха, сабырсыз къалыр уятха.
- Ётюрюк хапар аякъ тюбю бла джюрюйдю.
- Тилде сюек болмаса да, сюек сындырыр.
- Иесиз малны бёрю ашар.
- Ашхы – джыяр, аман – джояр.
- Джарлыны тону джаз битер.
- Джырына кёре эжиую.
- Дуния мал дунияда къалады.
- Сёлеш деб шай берген, тохта деб, сом берген.
- Джырчы джырчыгъа – къарнаш.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72