- Адеб этмеген, адеб кёрмез.
- Сагъыш – къартлыкъгъа сюйюмчю.
- Эрни эр этерик да, къара джер этерик да, тиширыуду.
- Уллу суу бла уллу ауруудан башынгы сакъла.
- Хаухну атма, ёнгкючню сатма.
- Биреу ашаб къутулур, биреу джалаб тутулур.
- Адеби болмагъан къыз – тузсуз хант.
- Къатын къылыкъсыз, эр тынчлыкъсыз.
- Иги болса, тамадама – махтау, аман болса, меннге – айыб.
- Джаханимни кёрмей, джандетге кёл салмазса.
- Къумурсхала джыйылсала, пилни да джыгъадыла.
- Уллу къазанда бишген эт, чий къалмаз.
- Кюлме джашха – келир башха.
- Ачыу алгъа келсе, акъыл артха къалады.
- Тура эдим джата, къайдан чыкъды хата?
- Ачлыкъ отха секиртир.
- Къарт бла баш аша, джаш бла аякъ аша.
- Кёб джашагъан – кёб билир.
- Аманны къуугъан, аманлыкъ табар.
- Аджаллыгъа окъсуз шкок атылыр.
- Билмейме деген – бир сёз
- Окъдан джара эртде-кеч болса да бителир, сёз джара, ёмюрге къалыр.
- Джаралыны джастыгъында сау ёлюр.
- Агъач халкъгъа алтынды, иссиликге салкъынды.
- Адебни адебсизден юрен.
- Кийиминг бла танылма, адамлыкъ бла таныл.
- Соргъан айыб тюлдю, билмеген айыбды.
- Нёгерсизни джолу узун.
- Байлыкъдан саулукъ ашхыды.
- Эри аманны, къатыны – аман.
- Ким бла джюрюсенг, аны кёзю бла кёрюнюрсе.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аджалсыз ёлюм болмаз.
- Ишни аллы бла къууанма да, арты бла къууан.
- Тенгинг джокъ эсе – изле, бар эсе – сакъла!
- Элиб деген, элге болушур.
- Аманны эки битли тону болур, бирин сеннге кийдирир, бирин кеси киер.
- Бёрю да ач къалмасын, эчки да ашалмасын.
- Тин – байлыгъынг, терен саулугъунг.
- Адамны аты башхача, акъылы да башхады.
- Чакъырылмагъан джерге барма, чакъырылгъан джерден къалма.
- Ишлегенде эринме, ишде чолакъ кёрюнме.
- Мен да «сен», дейме, сен да «кесим», дейсе.
- Башынга джетмегенни сорма.
- Джашлыкъ этмеген, башлыкъ этмез.
- Гитче джилтин уллу элни джандырыр.
- Игиге айтсанг – билир, аманнга айтсанг – кюлюр.
- Ата Джуртун танымагъан, атасын да танымаз.
- Джарлыны тону джаз битер.
- Джарашыу сюйген – джалынчакъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72