- Ачылгъан эт джабылыр, кёрген кёз унутмаз.
- Ариу сёз аурууунгу алыр.
- Ёпкелегенни ашы татлы болады.
- Джюрекден джюрекге джол барды.
- Чакъырылмагъан джерге барма, чакъырылгъан джерден къалма.
- Къазанны башы ачыкъ болса, итге уят керекди.
- Игилик игилик бла сингдирилиучю затды.
- Къарнынг къанлынга кийирир.
- Джумушакъ терекни къурт ашар.
- Ёнгкюч къууана барыр, джылай келир.
- «Ма», - дегенни билмесенг, «бер», - дегенни билмезсе.
- Айран тёгюлсе, джугъусу къалыр.
- Джумушакъ сёз къаты таякъны сындырыр.
- Адам сёзюнден белгили.
- Итли къонакъ джарашмаз.
- Тиширыусуз юй – отсуз от джагъа.
- Онгсузну – джакъла, тенгликни – сакъла.
- Ашхылыкъ джерде джатмайды, аманлыкъ суугъа батмайды.
- Джукъу тёшек сайламайды.
- Ёлген аслан – сау чычхан.
- Мухар, кеси тойса да, кёзю тоймаз.
- Джаш болсун, къыз болсун, акъылы, саны тюз болсун.
- Хар ишни да аллы къыйынды.
- Къолу уллу – асыу, аягъы уллу – джарсыу.
- Атадан ёксюз – бир ёксюз, анадан ёксюз – эки ёксюз.
- Байлыкъдан саулукъ ашхыды.
- Кёб джат да, бек чаб.
- Къозулугъунда тоймагъан, къойлугъунда тоймаз.
- Суугъа – чабакъ, къаягъа – ыргъакъ.
- Рысхы джалгъанды: келген да этер, кетген да этер.
- Ашаса, ашамаса да, бёрюню ауузу – къан.
- Сёз къанатсыз учар.
- Къонакъ кёб келюучю юйню, къазаны отдан тюшмез.
- Къолунгдан къуймакъ ашатсанг да, атаны борчундан къутулмазса.
- Кёкдеги болмаса, джердегин кёрмейди.
- Босагъа таш юйге кирмей эди, тыбыр таш эшикге чыкъмай эди.
- Болджал ишни бёрю ашар.
- Бюгюн дуния кибик, тамбла ахыратды.
- Кюлме джашха – келир башха.
- Къарт бла баш аша, джаш бла аякъ аша.
- Этек чакъмакълары баш джаргъан, сёлешген сёзлери таш джаргъан.
- Гитче джилтин уллу элни джандырыр.
- Айырылмаз джууугъунга, унутмаз сёзню айтма.
- Сормай – алма, чакъырылмай – барма.
- Къобан да къуру да къобханлай турмайды, адам да къуру да патчахлай турмайды.
- Чомартны къолун джокълукъ байлар.
- Душманны тышы – акъ, ичи – къара.
- Телиге от эт десенг, юйюнге от салыр.
- Сакъалы текени да бар, мыйыгъы киштикни да бар.
- Аджаллыгъа окъсуз шкок атылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72