- Байлыкъдан саулукъ ашхыды.
- Мени джылытмагъан кюн, меннге тиймесин!
- Ёксюзню тилеги къабыл болур.
- Ёпкелегенни ашы татлы болады.
- Рысхы – сют юсюнде кёмюк кибикди.
- Билим къая тешер.
- Арыгъан къош чамчы болур.
- Къызын тута билмеген, тул этер, джашын тута билмеген, къул этер.
- Бир абыннган – минг сюрюнюр.
- Биреуге кёлтюрген таягъынг, кесинги башынга урур.
- Ач – эснер, ат – кишнер.
- Ханы къызы буюгъа-буюгъа киштик болду.
- Къыз чыгъаргъан – къызыл къымжа.
- Ашын ашагъанынгы, башын да сыйла.
- Джырына кёре эжиую.
- Аман эсирсе, юйюн ояр.
- Къолу уллу – асыу, аягъы уллу – джарсыу.
- Телиге от эт десенг, юйюнге от салыр.
- Иги – алгъыш этер, аман – къаргъыш этер.
- Агъач – джерни чырайы, кийим – эрни чырайы.
- Акъыллы айтыр эди, акъылсыз къоймайды.
- Ат да турмайды бир териде.
- Зарда марда джокъ.
- Таукел адам тау тешер.
- Иги адам абынса да, джангылмаз.
- Байлыкъ тауусулур, билим тауусулмаз.
- Къайгъы тюбю – тенгиз.
- Зар адамны насыбы болмаз.
- Чакъырылмай келген къонакъ сыйланмай кетер.
- Джюрекден джюрекге джол барды.
- Ач къарным, тынч къулагъым.
- Ишлемеген – тишлемез.
- Элни кючю – эмеген.
- Байлыкъ келсе, акъыл кетер.
- Къызны минг тилер, бир алыр.
- Чакъырылмагъан джерге барма, чакъырылгъан джерден къалма.
- Тилчиден кери бол.
- Таула не мийик болсала да, аууш табылыр.
- Билгенни къолу къарны джандырыр.
- Зар адам ашынгы ашар, кесинги сатар.
- Джарлы джети элни сёзюн этер.
- Джыланны къуйругъундан басарынг келсе, аны башы болгъанын унутма.
- Тенгинг джокъ эсе – изле, бар эсе – сакъла!
- Сютден ауузу кюйген, суугъа юфгюре эди.
- Къалгъан ишге къар джауар.
- Ариу сёзде ауруу джокъ.
- Къатын байлыкъны сюер, эр саулукъну сюер.
- Ана – юйню кюн джарыгъы.
- Иги сёз – джаннга азыкъ, аман сёз башха – къазыкъ.
- Джашда акъыл джокъ, къартда къарыу джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72