- Джигер – джаннга къыйынлыкъ.
- Ойнай-ойнай кёз чыгъар.
- Оюмсуз атлагъан, аджалсыз ёлюр.
- Тёгюлген тюгел джыйылмайды.
- Кёкдеги болмаса, джердегин кёрмейди.
- Джырчы ёлсе, джыры къалыр.
- Сабийликде юретмесенг, уллу болса – тюзелмез.
- Ашхы – джыяр, аман – джояр.
- Биреу ашаб къутулур, биреу джалаб тутулур.
- Суугъа – чабакъ, къаягъа – ыргъакъ.
- Соргъан айыб тюлдю, билмеген айыбды.
- Таугъа чыгъаллыкъ эсенг, тюзде къалма.
- Чакъырылгъанны аты, чакъырылмагъанны багъасы болур.
- Юре билмеген ит, къонакъ келтирир.
- Билим – акъылны чырагъы.
- Мен да «сен», дейме, сен да «кесим», дейсе.
- Тойгъандан сора, ашны сёкме.
- Ариу сёз – джаннга азыкъ, аман сёз – башха къазыкъ.
- Къартны сыйын кёрмеген, къартлыгъында сыйлы болмаз.
- Чомартха хар кюн да байрамды.
- Эркишини аманы тиширыуну джылатыр.
- Нарт сёз къарт болмаз.
- Аууздан келген, къолдан келсе, ким да патчах болур эди.
- Ургъан суудан башынгы сакъла.
- Кютгени беш эчки, сызгъыргъаны уа, джерни джарады.
- Эринчекни эр алмаз, эр алса да, кёл салмаз, кёл салса да, кёб бармаз!
- Ичимден чыкъды хата, къайры барайым сата?
- Къызын тута билмеген, тул этер, джашын тута билмеген, къул этер.
- Окъумагъан сокъурду, сокъур ташха абыныр!
- Биреуню тёрюнден, кесинги эшик артынг игиди.
- Къатын къылыкъсыз, эр тынчлыкъсыз.
- Айтылгъан буйрукъ, сёгюлмез
- Ёмюрлюк шохлукъну джел элтмез.
- Окъуусуз билим – джокъ, билимсиз кюнюнг – джокъ.
- Акъылсызны джууукъгъа алма, акъыллыны кенгнге салма.
- Байлыкъдан саулукъ ашхыды.
- Джарашыу сюйген – джалынчакъ.
- Бозанг болмагъан джерге, къалагъынгы сукъма.
- Джангыз торгъай джырламаз.
- Абынмазлыкъ аякъ джокъ, джангылмазлыкъ джаякъ джокъ.
- Сютню башын джалагъан къутулур, тюбюн ичген тутулур.
- Джарлыны тону джаз битер.
- Чарсда алчыны эл кёреди.
- Ачны эсинде – аш.
- Таула не мийик болсала да, аууш табылыр.
- От кюйдюрген, сау болса да, тот кюйдюрген, сау болмаз.
- Элге къуллукъ этмеген, элге ие болмаз.
- Хата – гитчеден.
- Къоркъакъны кёзю экили кёрюр.
- Къарны аманнга къазан такъдырма, къолу аманнга от джакъдырма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72