- Адамны аты башхача, акъылы да башхады.
- Таукел къуру къалмаз.
- Кёзню ачылгъаны – иги, ауузну джабылгъаны – иги.
- Минг тенг да азды, бир джау да кёбдю.
- Кюн – узун, ёмюр – къысха.
- Ёпкелегенни ашы татлы болады.
- Аманнга алтын чыдамаз.
- Тешигини къатында, чычхан да батыр болур.
- Аш берме да, къаш бер.
- Адамны аманы адамны бети бла ойнар.
- Джукъу тёшек сайламайды.
- Босагъагъа джууукъ орун болса, ашыгъыб тёрге озма.
- Юй кюйдю да, кюйюз чыкъды, ортасындан тюйюш чыкъды.
- Ашарыкъда сайлагъаннга – чий гырджын.
- Къонакъ болсанг, ийнакъ бол.
- Рысхы – насыбха къор.
- Алим болгъандан эсе, адам болгъан къыйынды.
- Бети – къучакълар, джюреги – бычакълар.
- Къартны бурнун сюрт да, оноугъа тут.
- Къонакъ аз олтурур, кёб сынар.
- Ургъан суудан башынгы сакъла.
- Агъач халкъгъа алтынды, иссиликге салкъынды.
- Эринчекни аурууу – кёб.
- Джолунга кёре – джюрюшюнг, джагъанга кёре – юлюшюнг.
- Нёгерсизни джолу узун.
- Чабакъгъа акъыл, табагъа тюшсе келеди.
- Кимни – тили, тиши онглу, кимни – къолу, иши онглу.
- Хоншуну тауугъу къаз кёрюнюр, келини къыз кёрюнюр.
- Кёрмегеннге кебек – танг, битмегеннге сакъал – танг.
- Нафысынгы айтханын этме, намысынгы айтханын эт.
- Къыйынлы джети элни къайгъысын этер.
- Джеринден айырылгъан – джети джылар, джуртундан айырылгъан – ёлгюнчю джылар.
- Окъугъан – асыу, окъумагъан – джарсыу.
- Баланы адам этген анады.
- Джолда аягъынга сакъ бол, ушакъда тилинге сакъ бол.
- Аман эсирсе, юйюн ояр.
- Эрни эр этерик да, къара джер этерик да, тиширыуду.
- Къонагъы джокъну – шоху джокъ.
- Ашаса, ашамаса да, бёрюню ауузу – къан.
- Телиге акъыл салгъандан эсе, ёлгеннге джан салырса.
- Джюрекден джюрекге джол барды.
- Джиби бир къат джетмей эди да, эки къат тарта эди.
- Экеу тутушса, биреу джыгъылыр.
- Ашхылыкъ джерде джатмайды, аманлыкъ суугъа батмайды.
- Чыкълы кюнде чыкъмагъан, чыкъса къуру кирмеген.
- Къатын байлыкъны сюер, эр саулукъну сюер.
- Адамны сыфатына къарама, сёзюне къара.
- Окъ къызбайны джокълайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Джол бла сёзню къыйыры джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72