- Иши джокъну, сыйы джокъ.
- Билими азны – ауузунда кирит.
- Ана – юйню кюн джарыгъы.
- Терслик кетер, тюзлюк джетер.
- Берекет берсин деген джерде, берекет болур.
- Эри аманны, къатыны – аман.
- Ач бёрюге мекям джокъ.
- Аджалсыз ёлюм болмаз.
- Кёкдеги болмаса, джердегин кёрмейди.
- Билим ат болуб да чабар, къуш болуб да учар.
- Ана кёлю – балада, бала кёлю – талада.
- Сабийни джумушха джибер да, ызындан бар.
- Къызын тута билмеген, тул этер, джашын тута билмеген, къул этер.
- Тюзлюк шохлукъну бегитир.
- Таш ата билмеген, башына урур.
- Ишлегенде эринме, ишде чолакъ кёрюнме.
- Ариу сёз джыланны орнундан чыгъарыр.
- Тил джюрекге джол ишлейди.
- Эртде тургъан джылкъычыны эркек аты тай табар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач отунчуну ачыуу – бурнунда.
- Уллу сёзде уят джокъ.
- Ашхы сёз таш тешер.
- Хазыр ашха – терен къашыкъ.
- Аллахдан тилесенг, кёб тиле.
- Ётген ёмюр – акъгъан суу.
- Къарын къуру болса, джюрек уру болур.
- Ана къойну – балагъа джандет.
- Эл бла кёргенинг эрелей.
- Сабий кёргенин унутмаз.
- Джашынгы кесинг юретмесенг, джашау юретир.
- Къонакъ хазыр болгъанлыкъгъа, къонакъбай хазыр тюлдю.
- Тулпарлыкъ, билекден тюл – джюрекден.
- Намыс болмагъан джерде, насыб болмаз.
- Баш – акъыл ючюн, акъылман – халкъ ючюн.
- Бермеген къол, алмайды.
- Гырджын – тепсини тамадасы.
- Суу кетер, таш къалыр.
- Телини эшигин, махтау джабар.
- Намысы джокъну – дуниясы джокъ.
- Нарт сёз къарт болмаз.
- Сагъышы джокъ – джукъучу, акъылы джокъ – къаугъачы.
- Элни кючю – эмеген.
- Байлыкъ тауусулур, билим тауусулмаз.
- Башынга джетмегенни сорма.
- Юреннген ауруу къалмаз.
- Ашлыкъ – бюртюкден, джюн – тюкден.
- Джашда акъыл джокъ, къартда къарыу джокъ.
- Кёл – къызбай, къол – батыр.
- Хоншуну тауугъу къаз кёрюнюр, келини къыз кёрюнюр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72