- Тай асырагъан, атха минер.
- Тойгъан джерден туугъан джер игиди.
- Кёкдеги болмаса, джердегин кёрмейди.
- Джылкъыдан – ат чыгъар, тукъумдан – джаш чыгъар.
- Къая джолда джортма, ачыкъ сёзден къоркъма.
- Кёбге таш атма.
- Адебни адебсизден юрен.
- Биреуню эскиси биреуге джангы болмайды.
- Бети бедерден, намыс сакълама.
- Къалгъан ишге къар джауар.
- Къарын къуру болса, джюрек уру болур.
- Бетинги сатма, малынгы сат.
- Къартны бурнун сюрт да, оноугъа тут.
- Ауругъан – джашаудан умутчу.
- Айныгъанлы алты кюн, тогъайгъанлы тогъуз кюн.
- Ашлыкъны арба юйге келтирир, чана базаргъа элтир.
- Акъыл сабырлыкъ берир.
- Таукел тауну аудурур.
- Эшекни не къадар тюйсенг да, ат болмаз.
- Иги – алгъыш этер, аман – къаргъыш этер.
- Тенгинг джокъ эсе – изле, бар эсе – сакъла!
- Иги бла джюрюсенг, джетерсе муратынга, аман бла джюрюсенг, къалырса уятха.
- Агъач халкъгъа алтынды, иссиликге салкъынды.
- Тёгюлген тюгел джыйылмайды.
- Таукелге нюр джауар.
- Тилчи бир сагъатха айлыкъ хата этер.
- Кесинг сынамагъан затны, адамгъа буюрма.
- Ёнгкюч къууана барыр, джылай келир.
- Мухарны эси – ашарыкъда.
- Сютню башын джалагъан къутулур, тюбюн ичген тутулур.
- Ашын ашагъанынгы, башын да сыйла.
- Кесинге джетмегенни, кёб сёлешме.
- Терек ауса, отунчу – кёб.
- Гугук кесини атын айтыб къычыргъанча, мен, мен деб нек тураса?
- Эм уллу байлыкъ – джан саулукъ.
- Чакъырылмай келген къонакъ сыйланмай кетер.
- Орундукъ тюбюнде атылсам да, орта джиликме, де да айлан.
- Окъугъан – асыу, окъумагъан – джарсыу.
- Къайгъы тюбю – тенгиз.
- Мал тутхан – май джалар.
- Ушамагъан – джукъмаз.
- Махтаннган къыз, тойда джукълар.
- Ётген ёмюр – акъгъан суу.
- Бёрю да ач къалмасын, эчки да ашалмасын.
- Кеси юйюмде мен да ханма.
- Къарны аманнга къазан такъдырма, къолу аманнга от джакъдырма.
- Суугъа – таянма, джаугъа – ийнанма.
- Ким бла джюрюсенг, аны кёзю бла кёрюнюрсе.
- Таш бла ургъанны, аш бла ур.
- Намыс болмагъан джерде, насыб болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72