- Эм ашхы къайын ана мамукъ бла башынгы тешер.
- Арба аугъандан сора, джол кёргюзтюучю кёб болур.
- Суу кетер, таш къалыр.
- Нарт сёз – тилни бети.
- Ашхы атаны – джашы ашхы, ашхы ананы – къызы ашхы.
- Ата Джуртуму башы болмасам да, босагъасында ташы болайым.
- Ёлюк кебинсиз къалмаз.
- Аш кетер да бет къалыр.
- Дууулдаса – бал чибин, къонса – къара чибин.
- Тешик этген тынчды, аны джамагъан къыйынды.
- Адамны аты башхача, акъылы да башхады.
- Сабыр джетер муратха, сабырсыз къалыр уятха.
- Татлы тилде – сёз ариу, чемер къолда – иш ариу.
- Сабий кёргенин унутмаз.
- Тил джюрекге джол ишлейди.
- Босагъа таш юйге кирмей эди, тыбыр таш эшикге чыкъмай эди.
- Джетген къыз джерли эшекни танымаз.
- Ашыкъгъанны этеги бутуна чырмалыр.
- Акъыллы башны – тили къысха.
- Аманнга да, игиге да оноусуз къатышма.
- Онгсузну – джакъла, тенгликни – сакъла.
- Къумурсхала джыйылсала, пилни да джыгъадыла.
- Бек ашыкъгъан меннге джетсин, дегенди аракъы.
- От этилмеген джерден тютюн чыкъмайды.
- Баш болса, бёрк табылыр.
- Биреуню къыйынлыгъы бла кесинге джол ишлеме.
- Кюл тюбюндеги от кёрюнмейди.
- Терслик кетер, тюзлюк джетер.
- Къайтырыкъ эшигинги, къаты уруб чыкъма.
- Бир онгсуз адам адет чыгъарды, деб эштирик тюлсе.
- Нафысынгы айтханын этме, намысынгы айтханын эт.
- Шапа кёб болса, аш татымсыз болур.
- Аман эсирсе, юйюн ояр.
- Кийим тукъум сордурур.
- Адеб базарда сатылмаз.
- Агъач халкъгъа алтынды, иссиликге салкъынды.
- Къоркъакъны кёзю экили кёрюр.
- Къуру гыбыт бек дыгъырдар.
- Ишни ахырын ойламай, аллын башлама.
- Тыш элде солтан болгъандан эсе, кесинги элде олтан болгъан игиди!
- Ачлыкъ отха секиртир.
- Сёз сёзню айтдырыр.
- Аш берме да, къаш бер.
- Гыдай эчки суугъа къараб, мюйюзле кёрмесе, джашма алкъын, дегенди.
- Билимли ёлмез, билимсиз кёрмез.
- Аллахха ийнаннган кишини, Аллах онгдурур ишин.
- Кёбге таш атма.
- Джюрекден джюрекге джол барды.
- Эркишини аманы тиширыуну джылатыр.
- Тойгъан антын унутур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72