Эльбрусоид :: Форум :: Архив форумов

Чабакъ башындан чирийди.
Кесине оноу эте билмеген, халкъына да эте билмез.
Тилсиз миллет джокъ болур.
Къумурсхала джыйылсала, пилни да джыгъадыла.
Адам боллукъ, атламындан белгили болур.
Къартха ушагъан джаш – акъыллы, джашха ушагъан къарт – тели.
Таякъ этден ётер, тил сюекден ётер.
Ишлемеген – тишлемез.
Къая джолда джортма, ачыкъ сёзден къоркъма.
Ата Джуртуму башы болмасам да, босагъасында ташы болайым.
Къар – келтирди, суу – элтди.
Оюмсуз атлагъан, аджалсыз ёлюр.
Тыш элде солтан болгъандан эсе, кесинги элде олтан болгъан игиди!
Аууз сакълагъан – джан сакълар.
Уллу сёлешме да, уллу къаб.
Бичгенде ашыкъма, тикгенде ашыкъ.
Къайгъы тюбю – тенгиз.
Билгенни къолу къарны джандырыр.
Мал ёлсе, сюек къалыр, адам ёлсе, иши къалыр.
Окъугъан – асыу, окъумагъан – джарсыу.
Байма, деб да, къууанма, джарлыма, деб да, джылама.
Керек ташны ауурлугъу джокъ.
Сёз – кюмюш, джыр – алтын.
Гугурук къычырмаса да, тангны атары къалмаз.
Арпа, будай – ащды, алтын, кюмюш а – ташды.
Сёлеш деб шай берген, тохта деб, сом берген.
Башы ишлегенни, ауузу да ишлер.
Акъыл сабырлыкъ берир.
Ишни ахырын ойламай, аллын башлама.
Уллу къазанда бишген эт, чий къалмаз.
Эшекни не къадар тюйсенг да, ат болмаз.
Ариу джол аджал келтирмез.
Бастасын ашагъан, хантусун да ичер.
Къобан да къуру да къобханлай турмайды, адам да къуру да патчахлай турмайды.
Кесинг сынамагъан затны, адамгъа буюрма.
Айтхан – тынч, этген – къыйын.
Ауругъан – джашаудан умутчу.
Мухарны эси – ашарыкъда.
Джумушакъ терекни къурт ашар.
Сакъалы текени да бар, мыйыгъы киштикни да бар.
Арбаз сайлама да, хоншу сайла.
Таукел адам тау тешер.
Тулпарлыкъ, билекден тюл – джюрекден.
Нёгер болсанг, тенг бол, тенг болмасанг, кенг бол.
Атлыны кёрсе, джаяуну буту талыр.
Джол бла сёзню къыйыры джокъ.
Келинни – келгинчи, бёркню кийгинчи кёр.
От этилмеген джерден тютюн чыкъмайды.
Аманны тукъумуна къарама, игини тукъумун сорма.
Джашда акъыл джокъ, къартда къарыу джокъ.

Логин:
Пароль:
	Запомнить меня на этом компьютере

Забыли свой пароль?
Регистрация